Nota de prensa
INXECCIÓN DE MORAL PARA RECIBIR O UA CEUTÍ, NA SEGUNDA PRAZA
O Burela FS-Pescados Rubén recibe cunha inxección de moral, tras o triunfo en Gáldar (2-5), un prato forte, o UA Ceutí, que recala na bomboneira con 9 puntos e como segundo clasificado (sábado 15, 18.30 horas).
O equipo ceutí empezou ben e moi forte a tempada, en catro partidos conseguiu tres vitorias consecutivas, dúas como local e unha como visitante, 11 goles a favor e 12 en contra nos seus dous partidos a domicilio. “O equipo de Chito caracterízase por realizar unha forte defensa en media pista e un xogo rápido e vertical en ataque” explicou Quique García.
Para os laranxas o partido preséntase como un encontro moi importante; os puntos da casa son decisivos e fan manter a regularidade necesaria durante toda a tempada. “A primeira vitoria deunos confianza e seguridade, o equipo xogou en Gáldar o mellor partido no que levamos de liga, fomos moi competitivos nunha das canchas máis complicadas da categoría. Se queremos conseguir outra vitoria e certificar o noso bo momento de forma, temos que ser ambiciosos e aumentar o noso nivel de esixencia” dixo o técnico burelista.
Lotería de Nadal. O número da sorte do Burela FS Pescados Rubén para o Nadal xa está dispoñible: 50.300. Todas as persoas interesadas poden adquirir as súas papeletas no pavillón Vista Alegre, coincidindo cos encontros laranxas, na sede do club (avenida Arcadio Pardiñas, número 97, entresollado) ou nos seguintes establecementos: Cafetería Vista Alegre, A Parrillada de Jandro, Hotel Nordés, Palacio de Cristal, O Poeta e Cervexería O Trisquel, en Burela, ademais de Rincón de Anita, en Foz.
XXI Copa Galicia. Como clasificado da primeira fase, o Mera FS, da Segunda División B, será o rival do CD Burela FS-Pescados Rubén nos cuartos de final da cita autonómica. Os laranxas deberán disputar a eliminatoria, a partido único, como visitantes antes do 30 de novembro. SD Pazos Borbén (3ª D.)-Autos Lobelle de Santiago (1ª D.), Bembrive FS (2ª B)-Azkar Lugo (1ª D.) e Noia FS (2ª B)-Narón FS (2ª B) completan os cruzamentos.
O evento celebrarase este sábado 25, de abril, na capital lucense. Durante a xornada matinal, o alumnado asistirá a clases impartidas por profesionais de distintas disciplinas, tanto do ámbito da danza clásica como da moderna. Pola tarde, ás 19:30 horas, o grupo da EMMeD subirá ao escenario do Auditorio Gustavo Freire xunto aos demais centros convidados, nunha actuación que servirá como peche desta xornada de convivencia e intercambio artístico.
Un home perdeu a vida este xoves tras sufrir un accidente cunha res no lugar de Carelle Grande, na parroquia do Burgo (Muras). O suceso tivo lugar sobre as 19 horas, cando un familiar deu a voz de alarma ao 112 Galicia e explicou que o implicado fora aplastado polo animal. De inmediato, activouse un operativo no que participaron Urxencias Sanitarias de Galicia-061, que desprazaron ao punto o helicóptero medicalizado con base en Santiago, e a Garda Civil. Unha vez alí, os profesionais sanitarios só puideron confirmar o falecemento do home.
Con motivo desta conmemoración, o Concello anima á veciñanza a participar no Certame do Día do Libro, unha iniciativa pensada para fomentar a creatividade en todas as idades. Categorías do certame: Infantil (3-6 anos): creación dun marcapáxinas orixinal. Primaria (7-11 anos): continuación dunha historia proposta. Adultos (12+ anos): relato, anécdota familiar ou continuación da historia proposta. Data límite: 30 de abril. Envío por correo: prensa@concellodecervo.com. Envío por WhatsApp: 683 315 939
A directora, Ana Traseira, e o brand manager, Carlos García, representaron ao centro lucense, que presentou a experiencia “A comunicación: unha nova ponte cara Lugo”, recoñecida co Accésit do Consello Social da UNED 2025. O proxecto destaca pola súa aposta pola innovación, a proximidade e a mellora continua na relación coa contorna. A UNED de Lugo agradeceu a oportunidade de participar nun espazo que reforza a colaboración e contribúe a construír unha universidade máis conectada, accesible e comprometida.
O curso, impulsado polo Principado de Asturias, desenvolverase en modalidade semipresencial con sete sesións presenciais na Sala El Pajar de As Quintas (A Caridá), en horario de 16:00 a 19:00 horas. A formación é de nivel básico e está aberta tanto a persoas sen experiencia previa como a quen queira iniciarse na fala. As inscricións poden realizarse a través da plataforma da Federación Asturiana de Concejos. O Concello destaca que esta iniciativa contribúe á preservación do patrimonio lingüístico e cultural do territorio.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
