Referencia
Incluirá unha bonificación do 95% no imposto municipal sobre construción, instalacións e obras para as industrias que se instalen nesta zona industrial
O GOBERNO CERVENSE IMPULSA A CREACIÓN DE EMPREGO MEDIANTE INCENTIVOS AO ASENTAMENTO DE EMPRESAS NO POLÍGONO DE CUÍÑA
Cervo, 21 de outubro de 2011.- Ao remate da reunión da comisión de Contas, o alcalde de Cervo, Alfonso Villares, e a delegada de Economía, Tania González,anunciaron que o equipo de Goberno local someterá a aprobación por parte do pleno municipal, na sesión que se celebrará a vindeira semana, a modificación da actual ordenanza municipal de licencia de apertura de establecementos para adaptala á normativa legal vixente.
Segundo indicou Tania González, o goberno cervense aproveitará tamén esta modificación para suprimir dous coeficientes impositivos existentes na actual ordenanza. “Esta supresión traerá consigo unha baixada considerable, de ata un sesenta por cento, do importe das taxas a pagar por aqueles establecementos, empresas e industrias que desexen asentarse no termino municipal” salientou a responsable de asuntos económicos no consistorio.
Imposto sobre construcións
Por outra parte, o alcalde indicou que o grupo de Goberno tamén ten previsto modificar o imposto municipal sobre construcións, instalacións e obras (ICIO). Na actualidade, a cota tributaria deste imposto é do 2% sobre o orzamento da execución material, e na modificación incluirase unha bonificación do 95% para aquelas empresas, comercios e industrias que se queiran asentar no polígono industrial de Cuíña.
Villares indicou que estas dúas medidas pretenden dar facilidades aos emprendedores e incentivar o asentamento comercial e industrial no concello para conseguir acadar un obxectivo final: a creación de postos de emprego. “Desde o Goberno local consideramos que debemos poñer a disposición de tódolos emprendedores as mellores facilidades para poder levar adiante os seus proxectos e a súa actividade; ben sexa comercial, industrial ou empresarial; porque si así o fan será algo que redundará no beneficio de tódolos cervenses, porque o factor fundamental que nos move neste eido é o apoio á creación de emprego, sobre todo nos actuais tempos de crise nos que estamos inmersos ” sinalou o rexedor.
Neste curso a actividade estará dispoñible para as nosas pequenas Xoias e para alumnado externo, cunha sesión semanal, a cargo de Yasmin Toledo e Patrícia Sousa, do equipo de Segunda División. O alumnado poderá escoller o seu horario de adestramento entre os luns (16:00 h.-17:00 h., Vista Alegre) e os venres (19:30 h.-20:30 h., Monte Castelo). A actividade terá un custo de 6€/mes para o alumnado da escola laranxa e 24€/mes para o alumnado externo.
Un particular informou minutos despois das 11 horas deste xives dun camión que transportaba formigón envorcado no quilómetro 68 da N-640, á altura da parroquia de Ramil (Castro de Rei). Segundo explicou o mesmo alertador, o condutor permanecía no interior da cabina e outros dous turismos estaban implicados no accidente. De inmediato, desde o Centro Integrado de Atención ás Emerxencias solicitouse a acción de Urxencias Sanitarias de Galicia-061, da Garda Civil de Tráfico, dos Bombeiros de Vilalba e dos servizos de mantemento da estrada. Os bombeiros confirmaron que non tiveron que excarcerar, pois a persoa estaba xa fóra do vehículo cando chegaron ao punto. Así, colaboraron na limpeza da vía cos servizos de mantemento da estrada.
Neste espazo radiofónico Félix Jorquera falará coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá.
Ademais da intervención arqueolóxica de 2026, o Concello achega 7.500 euros para restaurar a cabaña C-2, lembrando que “Seguimos apostando por el patrimonio arqueológico y el desarrollo arqueológico del concejo”. Tamén se mellorou o acceso ao xacemento, e o castro consolídase como un recurso turístico en crecemento, clave para avanzar na desestacionalización.
Entre as 10:00 e as 14:00 horas haberá arredor dunha decena de postos con produtos agroecolóxicos e de proximidade, ademais dun punto informativo para persoas interesadas en emprender no sector e actividades infantís. A alcaldesa Marta Rouco destaca que a feira busca dar vida ao centro da vila e visibilizar o rural como espazo de emprendemento, mentres que a concelleira Paula Vigo salienta a colaboración con A Estruga para ampliar a oferta habitual do mercado. O Concello anima á veciñanza a achegarse e coñecer os proxectos participantes.
Nesta ocasión, o grupo desprazouse ata A Pontenova para realizar un percorrido de 17 quilómetros que combinou a Ruta dos Fornos, a Ruta do Ferrocarril e a Ruta do Muiñeiro Namorado. A actividade, de dificultade baixa, iniciou o seu percorrido na Praza dos Fornos da Pontenova e rematou en San Tirso de Abres.
O paseo comezará ás 20:00 h na rúa San Francisco, ao pé da igrexa, para continuar pola Praza de Abaixo e a rúa Antonio Otero, até chegar á Praza do Patín, xunto á Biblioteca Municipal El Viejo Pancho. Alí, ás 20:30 h, dará comezo a presentación da obra. A organización lembra con afecto as anteriores visitas de Souto a Ribadeo e confía en que, unha vez máis, se vivirá unha tarde especial guiada polo enxeño creativo do coruñés de Monte Alto, galego universal que levou as nosas letras polo Mar de Irlanda e polas corredoiras máis recónditas do país. A actividade está organizada pola A.C. Francisco Lanza.
