Nota de prensa
TÁBOAS: “O URBANISMO QUE O PP QUERE EXPORTAR É O URBANISMO DE BARREIROS, UN URBANISMO ILEGAL ”
A deputada do BNG defendeu unha Proposición non de lei, ao fin de anular o convenio de colaboración de Barreiros e dedicar eses fondos públicos a políticas de rehabilitación de vivendas
Santiago de Compostela, 11 de outubro, 2011.-Pleno. A portavoz de urbanismo do BNG, Teresa Táboas defendeu hoxe, na sesión plenaria que se está a celebrar na Cámara galega, unha iniciativa para anular o convenio da Consellaría de Medio Ambiente,Territorio e Infraestruturas que permitirá a dotación de equipamentos no concello de Barreiros.
A iniciativa nacionalista, rexeitada polo Partido popular, tamén reclamaba destinar a partida económica consignada ás políticas de rehabilitación de vivendas.
Na súa intervención, Táboas acusou ao Partido popular de apostar por un urbanismo como o utilizado no concello de Barreiros do que dixo- “non cumpre a lei” e explicou que a “súa ilegalidade” vén xustificada pola normativa pola que declara que todos os servizos básicos dos asentamentos xurdidos ao marxe do planeamento, “deben ser asumidos polos promotores e propietarios e non polas institucións”.
Táboas cualificou de “machada” do urbanismo galego o acontecido no Concello de Barreiros e dixo que a sentenza do Tribunal Superior de Xustiza de Galiza confírmao dándolle a razón ao goberno bipartito nos recursos presentados contra as licencias concedidas neste concello.
A nacionalista denunciou que moitos dos núcleos tradicionais do concello non contarán con servizos como os que agora se pretende dotar ás construción con licencias ilegais, “ están pillados” –afirmou- ao igual que “coas caixas, a lingua ou o territorio”.
A parlamentaria do BNG insistiu na necesidade de anular un convenio que –ao seu xuízo- só pretende tapar con “recursos públicos” os problemas que o propio Partido popular creou.
Táboas concluíu manifestando que os recursos públicos do convenio da Xunta co Concello de Barreiros deben ser utilizados na rehabilitación de vivendas para consolidar “o pouco que nos queda do noso patrimonio”.
Neste curso a actividade estará dispoñible para as nosas pequenas Xoias e para alumnado externo, cunha sesión semanal, a cargo de Yasmin Toledo e Patrícia Sousa, do equipo de Segunda División. O alumnado poderá escoller o seu horario de adestramento entre os luns (16:00 h.-17:00 h., Vista Alegre) e os venres (19:30 h.-20:30 h., Monte Castelo). A actividade terá un custo de 6€/mes para o alumnado da escola laranxa e 24€/mes para o alumnado externo.
Un particular informou minutos despois das 11 horas deste xives dun camión que transportaba formigón envorcado no quilómetro 68 da N-640, á altura da parroquia de Ramil (Castro de Rei). Segundo explicou o mesmo alertador, o condutor permanecía no interior da cabina e outros dous turismos estaban implicados no accidente. De inmediato, desde o Centro Integrado de Atención ás Emerxencias solicitouse a acción de Urxencias Sanitarias de Galicia-061, da Garda Civil de Tráfico, dos Bombeiros de Vilalba e dos servizos de mantemento da estrada. Os bombeiros confirmaron que non tiveron que excarcerar, pois a persoa estaba xa fóra do vehículo cando chegaron ao punto. Así, colaboraron na limpeza da vía cos servizos de mantemento da estrada.
Neste espazo radiofónico Félix Jorquera falará coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá.
Ademais da intervención arqueolóxica de 2026, o Concello achega 7.500 euros para restaurar a cabaña C-2, lembrando que “Seguimos apostando por el patrimonio arqueológico y el desarrollo arqueológico del concejo”. Tamén se mellorou o acceso ao xacemento, e o castro consolídase como un recurso turístico en crecemento, clave para avanzar na desestacionalización.
Entre as 10:00 e as 14:00 horas haberá arredor dunha decena de postos con produtos agroecolóxicos e de proximidade, ademais dun punto informativo para persoas interesadas en emprender no sector e actividades infantís. A alcaldesa Marta Rouco destaca que a feira busca dar vida ao centro da vila e visibilizar o rural como espazo de emprendemento, mentres que a concelleira Paula Vigo salienta a colaboración con A Estruga para ampliar a oferta habitual do mercado. O Concello anima á veciñanza a achegarse e coñecer os proxectos participantes.
Nesta ocasión, o grupo desprazouse ata A Pontenova para realizar un percorrido de 17 quilómetros que combinou a Ruta dos Fornos, a Ruta do Ferrocarril e a Ruta do Muiñeiro Namorado. A actividade, de dificultade baixa, iniciou o seu percorrido na Praza dos Fornos da Pontenova e rematou en San Tirso de Abres.
O paseo comezará ás 20:00 h na rúa San Francisco, ao pé da igrexa, para continuar pola Praza de Abaixo e a rúa Antonio Otero, até chegar á Praza do Patín, xunto á Biblioteca Municipal El Viejo Pancho. Alí, ás 20:30 h, dará comezo a presentación da obra. A organización lembra con afecto as anteriores visitas de Souto a Ribadeo e confía en que, unha vez máis, se vivirá unha tarde especial guiada polo enxeño creativo do coruñés de Monte Alto, galego universal que levou as nosas letras polo Mar de Irlanda e polas corredoiras máis recónditas do país. A actividade está organizada pola A.C. Francisco Lanza.
