Nota de prensa
UN INCENDIO ARRASOU ARREDOR DE CATRO HECTÁREAS DE MONTE NA PARROQUIA RIBADENSE DA DEVESA. TODO APUNTA A QUE O LUME FOI PROVOCADO, XA QUE SE LOCALIZOU NUNHA ZONA DE DIFÍCIL ACCESO. FERNANDO SUÁREZ SUBLIÑOU A RÁPIDA ACTUACIÓN DOS EFECTIVOS ALÍ DESPRAZADOS.
Ribadeo, 18 de outubro de 2011. O incendio declarado nas últimas horas en Noceda na parroquia ribadense da Devesa calcinou unhas catro hectáreas de monte, segundo os datos facilitados polo alcalde, Fernando Suárez. Todo apunta a que o lume foi provocado, xa que se localizou nunha zona de difícil acceso.
O rexedor explicou que “o lume declarábase aproximadamente ás dez da noite e quedaba extinguido pasadas as dúas da madrugada. Toda a noite houbo xente alí mollando, humedecendo todo este terreo afectado en Noceda na parroquia da Devesa en Ribadeo. Afectou a unhas catro hectáreas de monte baixo, de piñeiro e de eucalipto”.
Suárez Barcia dixo que “eu non podo precisar si son provocados ou fortuitos, aínda que moito me extrana que poidese ser fortuito este caso, xa que estamos a falar dunha zona de moi difícil acceso. Agradezo a colaboración prestada polos veciños, polo Grumir de Ribadeo, polos voluntarios de Protección Civil, pola Policía Local, pola Garda Civil e por Medio Rural da Xunta. O meu compañeiro Vicente Castro e un servidor estivemos alí ata ben entrada a madrugada, ata que todo estivo controlado”.
O alcalde de Ribadeo lembrou que “o incendio producíuse nunha zona onde hai poucas semanas ou días houbo un conato e afortunadamente quedou neso grazas á intervención tan rápida dos efectivos alí desprazados. Isto quere dicir que neste país a época de incendios non coincide co verán, realmente cando hai máis perigo é agora nestes meses de setembro, outubro e novembro. Agardemos que agora veña a auga e nos disipe toda esta preocupación que temos”.
Fernando Suárez subliñou que “grazas a que Ribadeo ten uns servizos bós de Protección Civil, de Grumir, temos dous camións motobomba… quero agradecerlle ao persoal da Xunta o traballo realizado porque o fixeron moi ben, pero quero destacar que como hai moi poucos efectivos da Xunta tardaron moito en chegar. Isto é si non tivésemos servizos propios de Protección Civil ou do Grumir o incendio de Noceda tería unhas consecuencias moitísimo máis graves, moitísimo máis elevadas das que se chegaron a producir”. O rexedor ribadense agarda que “á Xunta, con este ansia de recortes tan grande que ten, non se lle ocurra tocar os servizos de seguridade. Un concello coma o de Ribadeo non pode estar pendente ou só ter á súa disposición un parque de bombeiros en Barreiros, que está moi ben e todos o queremos, pero con 10.000 habitantes de poboación tanto rural coma urbana, que non estean atendidos por servizos propios non se entende. A experiencia de incendios destes últimos tempos en Ribadeo di que cando chegan os outros servizos, que se necesitan, que os valoramos e que os agradecemos, xa están as lapas controladas tanto nos lumes nas parroquias como nos urbanos”.
E insistiu en agradecer “o traballo realizado por todos os que esta noite estiveron en Noceda, houbo xente que se quedou toda a noite vixiando e refrescando o terreo afectado. Debemos tomar nota de todo isto para que moitas veces cando se fala de recortes, recortes e recortes, non nos damos conta de que poden afectar á seguridade pública, espero que non sexa así”.
Os servizos sanitarios trasladaron ao hospital a tres persoas implicadas nunha colisión frontal en Castro de Rei. Unha delas tivo que ser excarcerada polos Bombeiros de Vilalba. Contra as 11:15 horas, un particular informou ao 112 Galicia dun choque entre dous vehículos no quilómetro 71 da N-640, á altura da parroquia de Viladonga. Desde o punto, os alertadores sinalaron que unha persoa permanecía atrapada. Desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada. Os bombeiros liberaron á persoa, que foi trasladada xunto con outros dous feridos ao hospital en ambulancia.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
A artista, referente da música popular galega, conectou cun público diverso que gozou dunha sesión vermú marcada por máis de trinta anos de traxectoria. O concerto serviu tamén como despedida e recoñecemento a Valentín González e Viviana Pérez, que deixan a organización da comisión de festas tras dúas décadas. O deputado de Mocidade, Daniel García, destacou a importancia da implicación veciñal para manter vivas as celebracións que fortalecen a identidade comunitaria e reafirmou o apoio da Deputación ás redes asociativas e á programación cultural en galego. A actuación forma parte da iniciativa provincial para achegar música tradicional e en galego a todos os públicos.
Cómpre sinalar que este produto conta cun distintivo de calidade diferenciada, a Indicación Xeográfica Protexida Faba de Lourenzá, un dos 36 selos recoñecidos en Galicia que amparan a súa excelencia. Neste sentido, a Xunta vén de lanzar a nova marca Aquí Sabemos, coa que se busca reforzar o coñecemento e a identificación por parte dos consumidores dos produtos alimentarios galegos protexidos por figuras de calidade diferenciada.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Neste espazo radiofónico Félix Jorquera falou coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá. Por diante queda toda unha fin de semana chea de actividades arredor da faba de Lourenzá. Os organizadores animan a acudir a esta cita.