Notas de prensa
BURELA /RIBADEO / BARREIROS
BURELA
BURELA ACOLLEU DIVERSOS ACTOS CONTRA A VIOLENCIA MACHISTA AO LONGO DA MAÑÁ. GONZÁLEZ BARCIA LEU UN MANIFESTO NO QUE DESTACOU QUE TODOS PODEMOS FACER ALGO CONTRA ESTA LACRA QUE SOFREN AS MULLERES E LEMBROU QUE A XUNTA DITOU NO QUE VAI DE ANO MÁIS DE MIL ORDES DE PROTECCIÓN.
Burela, 25 de novembro de 2011. Os veciños e as veciñas de Burela plasmaron nun panel a súa opinión sobre a violencia de xénero neste 25 de novembro e despois moitos deles participaron na cadea humana en apoio ás vítimas desta lacra. Éstes foron algúns dos actos que se desenvolveron ao longo da mañá. No salón de plenos, o alcalde, José María González Barcia, leu un manifesto contra a violencia machista (aquí vai recollido).
“Outro ano máis xuntámonos hoxe, 25 de Novembro, Día Internacional para a Eliminación da Violencia de Xénero, para amosar a nosa máis sincera repulsa contra calquera xeito de sometemento da muller, tanto sexa psicolóxico como físico, tanto sexa na nosa vila como en calquera outro lugar do mundo.
Non debemos, non podemos e non queremos empregar como válida a fórmula de que a violencia é tan antiga coma o ser humano.
Non debemos, non podemos e non queremos aceptar que a violencia contra as mulleres é un problema privado, que non debe saír de entre as paredes do fogar familiar.
Non debemos, non podemos e non queremos conformarnos cunha sociedade patriarcal e machista que exerce a súa forza contra a muller en vez de buscar o equilibrio da igualdade e a complementariedade do home e da muller.
Por eso hoxe, día en que se fai unha especial lembranza deste problema, temos que reflexionar sobre as causas e as consecuencias destra gran lacra social, ante a que nos sentimos impotentes e ante a que non reaccionamos con suficiente contundencia porque seguimos a pensar que é un problema alleo a nós.
Pois NON, é unha problemática social e polo tanto de todas e todos e aínda que non sexa doado, cada pasiño que deamos contra a violencia de xénero, por moi insignificante que nos pareza é un máis dos tantos que ata agora se foron dando e que nos permiten que as mulleres teñan dereitos noutros tempos impensables, como pode ser o dereito ao voto, a ter unha conta de aforros ao seu nome…
Un ano máis, esta data recórdanos o que queda por facer: seguir traballando e aunar forzas, tanto nós como administración local como vós como cidadanía, para denunciar e combater dende todos os eidos posibles a violencia contra as mulleres e, como non, calquera outro tipo de violencia, sexa a que sexa e veña de onde veña.
Una clara imaxe de que debemos de facer que todos os días do ano leven un anaco de 25 de Novembro é o dato que ven de publicar a Secretaria Xeral da Igualdade: os xulgados galegos ditaron no que vai de ano 1.170 ordes de protección.
Os cambios e avances no tratamento legal da violencia de xénero, os recursos creados para atender as mulleres vítimas desta violencia, as campañas de sensibilización e os pasos que se deron para avanzar na consolidación dos dereitos das mulleres son necesarios para loitar contra este fenómeno. Temos que construír, no día a día e entre todos e todas, unha sociedade igualitaria onde o centro sexan as persoas, sen distinción de sexo.
Todas e todos podemos facer algo contra a violencia que sofren as mulleres. Por eso digamos ben alto, unha e mil veces, NINGUNHA MAÍS!”
RIBADEO
Fotos dos talleres sobre violencia de xénero nos que participou onte e hoxe a artista Pamela Palenciano en Ribadeo. Onte foi dirixido a persoas adultas e tivo lugar na Casa das Letras e hoxe a alumnos de 3º e 4º da ESO no Cine Teatro. Pamela Palenciano é a autora da exposición Non só doen os golpes. Nas 46 imaxes que a compoñen visibilízanse os momentos polos que pasa unha muller cando sofre violencia de xénero por parte da súa parella. A exposición estará aberta na Casa das Letras de Ribadeo ata o 6 de decembro en horario de 9 a 14 horas e de 16:30 a 20:30 horas. Estes actos foron organizados pola Concellaría de Igualdade.
BARREIROS
Foto do acto contra a violencia de xénero desenvolvido esta mañá na praza do Concello en Barreiros. Coas mans podemos foi o eslogan elexido para a celebración deste día e que permitiu que máis de 60 adultos e os nenos do CEIP de San Cosme deixasen as súas mans plasmadas nos dous murales instalados na praza. Nos actos organizados pola Concellería de Servizos Sociais e a Rede de Voluntario Local repartíronse lazos de cor morada e tamén marcapáxinas. Os nenos do CEIP de San Miguel participaron nun acto similar desenvolvido no propio centro escolar.
Neste espazo radiofónico Félix Jorquera falou coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá. Por diante queda toda unha fin de semana chea de actividades arredor da faba de Lourenzá. Os organizadores animan a acudir a esta cita.
Os asistentes puideron coñecer de preto unha particular viaxe que parte de Ribadeo e percorre Galicia en 37 etapas bordeándoa e combinando ciclismo, patrimonio, cultura e paisaxe. Jorge Justo estivo acompañado polo alcalde de Ribadeo, Dani Vega, e por Pablo Mosquera, ex director do Hospital da Costa (agora Hospital Público da Mariña).
Unha peza de teatro físico e manipulación de obxectos para público infantil e familiar que aborda a meta máis soñada polo ser humano: voar sen ás. Venda de entradas: no teléfono 982560162, en horario, de 9 a 14,00 horas, ou no correo electrónico cultura@viveiro.gal ou na taquilla unha hora antes da función. A cita será ás 18h.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Neste curso a actividade estará dispoñible para as nosas pequenas Xoias e para alumnado externo, cunha sesión semanal, a cargo de Yasmin Toledo e Patrícia Sousa, do equipo de Segunda División. O alumnado poderá escoller o seu horario de adestramento entre os luns (16:00 h.-17:00 h., Vista Alegre) e os venres (19:30 h.-20:30 h., Monte Castelo). A actividade terá un custo de 6€/mes para o alumnado da escola laranxa e 24€/mes para o alumnado externo.
Un particular informou minutos despois das 11 horas deste xoves dun camión que transportaba formigón envorcado no quilómetro 68 da N-640, á altura da parroquia de Ramil (Castro de Rei). Segundo explicou o mesmo alertador, o condutor permanecía no interior da cabina e outros dous turismos estaban implicados no accidente. De inmediato, desde o Centro Integrado de Atención ás Emerxencias solicitouse a acción de Urxencias Sanitarias de Galicia-061, da Garda Civil de Tráfico, dos Bombeiros de Vilalba e dos servizos de mantemento da estrada. Os bombeiros confirmaron que non tiveron que excarcerar, pois a persoa estaba xa fóra do vehículo cando chegaron ao punto. Así, colaboraron na limpeza da vía cos servizos de mantemento da estrada.
Ademais da intervención arqueolóxica de 2026, o Concello achega 7.500 euros para restaurar a cabaña C-2, lembrando que “Seguimos apostando por el patrimonio arqueológico y el desarrollo arqueológico del concejo”. Tamén se mellorou o acceso ao xacemento, e o castro consolídase como un recurso turístico en crecemento, clave para avanzar na desestacionalización.
