Nota de prensa
CERVO CONSTITÚE A MESA LOCAL DE COMERCIO
É un órgano consultivo do Concello presidido polo alcalde, composto por representantes do comercio cervense, asociacións de consumidores; e no que tamén ten representación a Xunta de Galicia, para tratar asuntos de competencia municipal que sexan do interese dos comerciantes.
Cervo, 25 de novembro de 2011.- A sala de xuntas do Concello de Cervo acolleu hoxe o acto de constitución da Mesa Local de Comercio, presidida polo alcalde, Alfonso Villares. Na mesa están, ademais, un representante da Consellería de Economía e Industria; a presidenta da Asociación de Consumidores e Usuarios “En Marcha” (Conumar), Pilar Iglesias; a secretaria da asociación de Comerciantes, Industriais e Autónomos de San Ciprián, Aranzazu Rodríguez; e a concelleira de Xuventude e Igualdade, Pilar Álvarez. Como secretaria, está Begoña Alonso, concelleira de Medio Ambiente, Turismo e Sanidade do Concello de Cervo.
Coa constitución da Mesa Local de Comercio, Cervo atende a unha lei da Xunta do 17 de decembro de 2010 para a creación desta entidade que “actuará como órgano colexiado da participación, coordinación, cooperación e colaboración entre a Administración Local e os axentes representativos del sector comercial”. Entre as finalidades que motivan a creación deste organismo, cabe mencionar a intención de lograr un maior dinamismo e unha efectiva modernización do comercio local. Asemade, entre os obxectivos que motivan a súa constitución figuran o interese por contar con esta nova Mesa Local do Comercio como foro de debate plural entre os distintos axentes económicos e as administracións. “O que se pretende é que a Mesa Local do Comercio se converta nunha plataforma colectiva na que se poidan debater aquelas iniciativas públicas e privadas que teñan por obxecto revitalizar o comercio minorista e de proximidade” precisou o rexedor cervense.
Proxecto de sinalización en zonas peonís
Nesta primeira xuntanza, os membros da Mesa Local do Comercio de Cervo aproveitaron para presentar un proxecto de sinalización horizontal nas zonas peonís dos núcleos de Cervo e San Ciprián. Segundo indicou Alfonso Villares, este proxecto foi subvencionado pola Xunta de Galicia e a súa materialización figura dentro do programa operativo FEDER Galicia 2007-2013 para adecuación e modernización de equipamentos comerciais a través da convocatoria 2011 do plan Re-Comercia da Xunta de Galicia.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
