Nota de prensa:
Alerta de que estas medidas que pretende impor o PP conducen ao co-pago, favorecen o desmantelamento do sistema sanitario e pretenden a súa definitiva privatización
CIG-Saúde denuncia que cobrar por comida e ducha nunha hospitalización, ou polas próteses, atenta contra a equidade
O PP comeza a facer pública agora a súa axenda oculta en materia sanitaria. Axenda de cuxa existencia xa se viña advertindo e que conduce, segundo CIG-Saúde, ao co-pago e ao desmantelamento do servizo sanitario público. Por iso a federación exixe a súa retirada, sequera do debate, e alerta da pretensión do goberno Feijóo de privatizar o sistema.
A eliminación de dereitos para as persoas sen recursos, co constatado bloqueo de tarxeta sanitaria, foi tan só un adianto do que se nos vén enriba. O propio presidente da Xunta, Alberto Núñez Feijóo, lanzaba o primeiro globo sonda o pasado xoves, abrindo a posibilidade de cobrar por servizos que veñen de definir como “non sanitarios” e que suporían cobrar pola comida, a lavandería ou a ducha durante o período de hospitalización. Agora o SERGAS engade a posibilidade de que os doentes adianten os cartos do material ortopédico.
A este respecto, a secretaria nacional de CIG-Saúde, María Xosé Abuín, é contundente. “Os coidados integrais dunha persoa cando está hospitalizada son un todo e iso inclúe, a hixiene e a dieta que son fundamentais para a recuperación do doente”. A isto engade que a pretensión de cobrar por certos servizos suporía “pagar dúas veces, porque a través dos nosos impostos xa temos cotizado para que se garanta o servizo”, afirma.
Abuín denuncia tamén a hipocrisía do PP que di que non vai haber ‘recortes’ senón ‘reaxustes’, asegurando que do que se trata é de contribuír solidariamente. Fronte a isto, a CIG-Saúde denuncia que “estas medidas supoñen unha flagrante perda de dereitos para as persoas con menos recursos e menos capacidade adquisitiva, rachando, en consecuencia, cun dos principios do sistema sanitario público: a equidade”.
Que estas medidas se dean a coñecer transcorrido menos dun mes logo da celebración das eleccións xerais non é, para a secretaria nacional de CIG-Saúde, casual. Ao seu entender “xa as tiñan decididas, pero dado o seu carácter antisocial, agardaron a publicitalas para garantir a maioría absoluta do PP. Unha vez conseguido este obxectivo poden quitar a máscara e comezar a aplicalas facendo uso do seu rodillo parlamentario”.
Abuín advirte de que estas políticas que pretende impor o PP no sistema sanitario son tomadas do modelo británico, aplicando o criterio de ‘efectividade de custo’ e ‘rendibilidade’ aplicado polo Instituto Británico de Saúde. Unha institución que, lembra, foi alcumada como ‘instituto nazi’ porque exclúe do sistema aquelas intervencións que non son rendíbeis. A modo de exemplo, a secretaria nacional de CIG-Saúde sinala que unha intervención nunha persoa de 80 anos pode non ser rendíbel para o sistema, pero si pode mellorar substancialmente a súa calidade de vida.
Por iso, CIG-Saúde exixe a paralización destas propostas, que vulneran dereitos básicos e rachan cos principios de universalidade e equidade da Sanidade Pública, coa única pretensión de favorecer a subscrición de seguros privados e ás empresas que os xestionan. Do mesmo xeito, insiste en que a propia Constitución española recoñece o dereito á saúde e lembra que mesmo na Lei de Saúde de Galiza se estabelece o dereito a atención sanitaria con cargo a fondos públicos e con cobertura universal.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
