Nota de prensa:
O Panificadora estréase na táboa ante o FC Meigas de Ames (3-0)
¡Meigas fóra! O Panificadora del Eo-Ribadeo FSF conseguiu os seus primeiros 3 puntos desta tempada á custa do FC Meigas de Ames (3-0), con dominio total e absoluto das xogadoras de Martínez nun encontro que enfrontou a dous dos equipos rivais da zona baixa da clasificación. O marcador puido ser de escándalo a favor do Panificadora se as súas xogadoras tivesen máis tino na finalización. Corenta e tres disparos das locais dirixidos cara á portería visitante dos que tan só tres cruzaron a liña de gol. A boa actuación da porteira visitante, os paus e o desacerto dos ribadenses evitaron un marcador máis avultado.
Ao descanso chegouse con 0-0 e a continuación foi un espello da primeira metade. Todo o xogo se desenvolvía na media cancha visitante e tan só nalgunhas contras se achegaban as de Ames á portería local, que Antía resolvía con eficacia. Transcorría o minuto 25 cando Ana aproveitou un fallo da meta visitante e marcou a porta baleira. Tres minutos máis tarde Elena resolveu unha melé dentro da área visitante e conseguiu o segundo para as locais. Posteriormente, foi a recuperada Nuria, debutante esta tempada na categoría, quen, a falta de 5 minutos para o final, subiu o 3-0 definitivo de forte disparo desde aproximadamente 10 metros.
O Panificadora visitará a próxima xornada o pechacancelas, Mesón Río Ulla de Vedra, outro dos equipos que aínda non coñece a vitoria e que se lles presenta accesible ás mariñás para conseguir dúas vitorias consecutivas.
Provincial feminina. O Xoula regresou sen carga da súa visita ao líder, Friol (3-0).
Provincial masculina. Tres novos puntos suman os ribadenses fóra do seu feudo ao vencer a domicilio por 3-4 ao Taboada. Partido de rivalidade local toca a próxima xornada en Ribadeo fronte ao CD Cubelas FS.
Ficha técnica
Panificadora del Eo-Ribadeo FS: Antía, Ana, Eva, Fátima e Elena, cinco inicial; tamén xogaron María, Nuria, Toñi e Arancha.
FC Meigas: Kati, Yaiza, Amanda, Raquel e Andrea Cutrin, cinco inicial; tamén xogaron Andrea da Silva, María, Lara e Ayelen.
Árbitros: Benjamín Rivas Fouz e Arcilio dos Santos Mon, da delegación lucense. Mostraron cartón amarelo a Amanda e dobre amarela a Yaiza, polo FC Meigas, e amarelas a Eva e Antía, polo Panificadora.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
