Nota de prensa:
OS SOCIALISTAS LAMENTAN QUE O ALCALDE NON OS CONVIDARA Á VISITA DA MARIÑA SECA, OBRA QUE ESPERAN QUE NON SUBSTITÚA Ó PORTO
-Consideran unha falta de respeto o comportamento de Villares, “con esta actitude esquécese de tódolos veciños ós que representamos”
-Os socialistas recordáronlle a Balseiro que “non debe confundir a mariña seca co porto deportivo, porque quizais sexa el quen deba algunha explicación a tódolos cervenses”
CERVO, 30 DE DECEMBRO. A portavoz do Grupo Municipal Socialista de Cervo, Lara Méndez, lamenta que o alcalde, o señor Alfonso Villares, non convidara ó resto da corporación para acudir á visita das obras da mariña seca de San Ciprián. “É unha falta de respeto institucional total e absoluta por parte do noso alcalde non comunicar a tódolos concelleiros, como sí se ten feito noutras ocasións, a visita programada do Presidente de Portos de Galicia, José Juan Durán. Con esta actitude non obvia ó GMS senón que está obviando a tódolos veciños ós que representamos”.
Os socialistas aseguran que “simplemente nos gustaría estar presentes neste acto para transmitirlle ó Presidente de Portos de Galicia as inquietudes e demandas dos veciños. Este comportamento do señor Villares pon de manifesto o seu desinterese total polos cervenses, demostrando día tras día a súa finalidade partidista, mirando sempre polos seus propios intereses e nunca polos intereses de todos”.
Aclaracións para Balseiro
Ademais da falta de educación do rexedor cervense, os membros do GMS destacan que “o señor Balseiro non cumple con San Ciprián, ¿Onde está o porto deportivo que tantas veces anunciou? ¿Vai ser o porto deportivo outro goletazo, unha obra que xa se tiña adxudicado e licitado e que botaron para atrás sen dar razón algunha?. Foi vostede, señor Balseiro, o máis interesado en tirar a lonxa para facer a goleta e agora, nin goleta nin lonxa. Tivo que facer algo para escudar a súa actitude e maquillar dalgún xeito a súa ineficiencia e inoperancia con este asunto”.
A solución non foi outra que a construcción destas instalacións, unha mariña seca que non ten ningún sentido se non vai acompañada do porto deportivo, “aquí o único que intenta enganar ós veciños é vostede. Esiximos que a mariña seca non sexa a substitución do porto deportivo que todos agardamos. A estas alturas, cremos que o compromiso co porto vai ser outro goletazo do señor Balseiro, pois todo quedará en nada”.
Os socialistas lembráronlle ó diputado popular que “en ningún momento dixemos que estas instalacións non se rematarían ou que non estaban nos orzamentos do 2012. Non confunda a mariña seca co porto deportivo, señor Balseiro. O único que esiximos foi que o anuncio destas obras non quedase esquecido como quedou o porto deportivo, obra pola que levan loitado moito tódolos cervenses e que sería un gran apoio para o desenvolvemento económico do noso concello. Non temos que pedir perdón por nada, quizais sexa vostede quen deba algunha explicación ós veciños por moitas actuacións anunciadas polas que seguimos esperando”.
E recomendáronlle ós populares que “deixen de preocuparse por nós e que se preocupen máis do que teñen que facer eles. Para a próxima vez, esiximos máis respeto polos veciños e polos representantes que eles mesmos escolleron”.
Arxentina de nacemento e viveirense de corazón, retomou en Galicia a súa vocación artística e atopou na escultura a súa forma de expresión. A súa obra céntrase en figuras humanas cargadas de emoción, en soidade ou en relación cos outros. A exposición reúne pezas seleccionadas e premiadas en certames de Madrid, Barcelona, Valdepeñas e Florencia nos últimos oito anos, que agora regresan —como a súa autora— á casa. Poderá visitarse ata o 29 de agosto.
Villares gabou o traballo do club Val de Francos, “que en tempo récord logrou situar esta cita entre as máis atractivas da provincia para os afeccionados á hípica”. Neste sentido, destacou a proxección que está a gañar este deporte e o impulso que recibe da Xunta, principalmente a través dun convenio coa Federación Hípica Galega polo que destina máis de 80.000 euros para as actividades a desenvolver este ano. A proba discorrerá por camiños forestais de terra, a excepción dos cruces de estradas, e constará de tres modalidades, con distancias de 80, 60 e 40 quilómetros respectivamente.
A clasificación final quedou do seguinte xeito: en Sub-10, Los 5 FC proclamáronse campións, seguidos de Los Balones; en Sub-12, o primeiro posto foi para Aston Birra, seguido de Minavo de Kiev e The Blues Bananas; en Sub-15, o equipo Piti levou o título, seguido de PDC e Camoca; en Sub-17, PDC acadou o primeiro posto, por diante de Papa Cu Leti e Motototo; e na categoría Sénior, Motototo resultou gañador, seguido de Descansa e Texeira Lima. As medallas foron entregadas pola alcaldesa, Dolores García Caramés, acompañada polos concelleiros José Manuel Balseiro e Alfredo Fernández, que felicitaron a todos os participantes polo seu esforzo e deportividade.
As reservas poderán realizarse por teléfono, chamando ao 982 560 162, ou a través do correo electrónico cultura@viveiro.gal, en horario de 9:00 a 14:00 horas. Cada persoa poderá solicitar un máximo de catro entradas. Desde o Concello de Viveiro anímase á veciñanza a asistir a esta representación e lembra que as reservas se atenderán a partir da apertura do prazo.
A clasificación final situou a Braulio Gayoso (TM Luarca) como gañador, seguido de Eugenio Alonso (CD San Ciprián), e dun terceiro posto compartido por Carlos Ron (Atletic Génova TM) e Domingo Larriety (TM Luarca). A alcaldesa de Cervo, Dolores García Caramés, entregou os trofeos e destacou o éxito dun torneo que xa se consolidou como unha cita imprescindible do calendario deportivo estival. O Concello felicita aos gañadores, a todos os participantes polo alto nivel amosado durante a xornada e ao CD San Ciprián pola excelente organización dun evento que continúa reforzando o seu papel como referente do tenis de mesa no norte peninsular.
Durante o evento realizouse unha ofrenda aos mariñeiros falecidos e, seguidamente, tivo lugar a subida da imaxe da Virxe do Carme ata a Igrexa. Esta última xornada continuou cunha misa solemne, á que asistiron numerosos veciños e visitantes que se achegaron ata a localidade mariñá, seguida da procesión acompañada pola Banda Naval e de actuacións musicais. A programación completarase a partir das 17:00 horas con diferentes actividades para os máis cativos e cativas.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
