O sistema de recollida de aceite vexetal de Burela non dá bos resultados e o goberno municipal quere melloralo

Nota de prensa

O CONCELLO BUSCA SOLUCIÓNS PARA MELLORAR A RECOLLIDA DO ACEITE VEXETAL. O EQUIPO DE GOBERNO ADVIRTE QUE O ACTUAL SISTEMA NON ESTÁ A DAR BÓS RESULTADOS.

Burela, 13 de xaneiro de 2012. O Concello de Burela busca solucións para mellorar a recollida do aceite vexetal (de cociña). A edil de Medio Ambiente, Patricia López, advirte que o actual sistema non está a dar bós resultados.

A concelleira popular lembra que “actualmente o Concello de Burela ten contratado un xestor de aceite por 5.125 euros anuais. Este sistema non lle supón ningún rendemento monetario ao Concello, pero sí medioambiental, posto que o aceite que se recolle non vai á rede de saneamento”.

López Eijo indicou que “desde hai xa tempo estamos vendo que este sistema de recollida non funciona por dous motivos. A xente verte o aceite no contenedor sen colar e o orificio polo que se realiza esa operación túpese, entón cando a seguinte persoa vai levar o seu aceite de cociña, éste derrámase por fóra e o chan queda completamente manchado e esbaradizo”. A responsable de Medio Ambiente engadiu que “tamén hai xente que en vez de verter o aceite no contenedor, deixa as botellas ao lado deste, dándolle un aspecto de suciedade e abandono ao pobo. Esto ás veces é causado porque o contenedor está tupido, pero outras moitas non é así, senón que se fai pola deixadez da xente”.

Patricia López subliñou que “todos estes problemas repercuten en que cada vez a recollida de aceite que se fai en Burela por parte do xestor sexa menor”.

Logo de manter unha xuntanza o alcalde, José María González Barcia, o concelleiro de Economía, José Casas, concelleiro de Economía, e a propia concelleira de Medioambiente, chegaron á conclusión de que “é necesario buscar unha solución que sexa o máis ventaxosa posible para o Concello de Burela tanto económica como medioambientalmente falando, e neso estamos traballando na actualidade”. O actual sistema de recollida de aceita vexetal estivo a ocasionar numerosas queixas veciñais nos últimos tempos.