O BNG explicar de novo o despilfarro do goberno de Cervo con seis persoas cobrando para xestionar un concello de 4.600 habitantes

Nota de prena

A Villares médralle o nariz un palmo cada vez que fala de falta de apoio das áreas gobernadas polo BNG na Deputación.

Os nacionalistas insisten en que Cervo non se pode permitir un goberno tan caro con seis persoas cobrando das arcas municipais.

Estúa reafírmase na petición de recortes nos gastos do grupo de goberno e na eliminación do posto da asesora Pilar Armada que lle costa ao concello mais de 20.000 euros anuais.

Cervo, 12 de febreiro de 2012. O BNG insistiu hoxe en que o concello e os seus habitantes non se poden permitir un goberno municipal con seis persoas cobrando das arcas públicas polo que pediu reducións nas retribucións por dedicacións exclusivas e parciais, asistencias a Xuntas de Goberno e a eliminación do posto de asesora que ten un custe anual de 20.908,13 euros incluíndo os gastos de seguridade social que asumen as arcas públicas como xa se puxo de manifesto noutra información pública. Villares minte en relación á falta de apoio de áreas de goberno do BNG na Deputación e lémbranlle que son moitas as asociación culturais e deportivas que reciben axudas anualmente para as súas actividades, tamén o propio concello que ademais financia o Punto de Atención Infantil grazas á deputación que pon moito mais que a Xunta aínda que Villares trate de ocultalo.

Seis persoas cobrando para xestionar un concello de 4.600 habitantes é unha indecencia nos tempos que estamos.

O BNG insistiu hoxe que non é aceptábel nin asumíbel o mantemento económico de seis persoas para xestionar un concello como Cervo, con pouco mais de 4.600 habitantes, e moito menos na situación económica na que estamos. O portavoz municipal, Xoán Antón Estúa, lamentou que Villares teña que acudir á descualificación persoal e á mentira para tapar as evidencias. Hai datos que non se poden maquillar porque están nas actas e resolución do propio alcalde, como a multiplicación de reunións da Xunta de goberno dende que estas se pagan a 150 euros sesión e tampouco o custe da asesora Pilar Armada que, gastos de seguridade social incluídos, sáelle as arcas públicas en 20.908,13 euros anuais.

Como explica Villares a multiplicación das sesións da Xunta de Goberno dende que se pagan a 150 euros a sesión.

Estúa pediu a Villares que explicara como puido gobernar o concello cunha Xunta de Goberno ao mes durante os primeiros seis meses de 2011 e a partir de aí ate decembro como xustifica a necesidade de 20 sesións si non é porque pasaron a pagarse a 150 euros a sesión. O nacionalista reprochou a Villares que as dúas concelleiras que cobran por asistir ás X.G.L. si atendemos á duración das sesións estiveron cobrando a 250 euros a hora, 6000 euros en seis meses por 23,91 horas de reunións con algunha que non chegou aos 16 mts. de duración como se reflicte nas actas.

Os nacionalistas pídenlle a Villares que diga a verdade sobre o apoio de áreas de goberno nacionalistas ao tecido asociativo de Cervo e ao propio concello.

Estúa cualificou de falsas as informacións vertidas por Villares sobre o apoio de áreas de goberno nacionalistas tanto ao propio concello como ao tecido asociativo cervense, “son moitas as asociacións culturais e clubs deportivos que reciben anualmente axudas económicas da Deputación, moito mais do que da a propia Xunta gobernada polo PP e nalgunha anualidade mais incluso do que aporta o concello que el preside. O nacionalista ademais pediulle ao alcalde que diga canto pon a Xunta para o Punto de Atención Infantil e canto pon a Area de Benestar dende a Deputación que obrigou ao alcalde a retirar o cobro da taxa polo servizo ao financialo en boa parte. O nacionalista agarda que Villares non poña trabas ao proxecto de ampliación do museo do Mar xa anunciado en datas pasadas, so faltaría que cando hai uns fondos consignados con este obxectivo haxa que retiralos pola falta de apoio do alcalde.

SALARIOS E SEG. SOCIAL DO GRUPO DE GOBERNO MUNICIPAL NO PERIODO XULL-11/XAN 2012 MAIS ASISTENCIAS XUNTA DE GOBERNO

TOTAL GRUPO DE GOBERNO—————————- 51.716,07 €

SALARIO E SEG. SOCIAL DA ASESORA DA ALCALDÍA EN SERVIZOS SOCIAIS E COMUNICACIÓN EXTERNA

EX – EDIL CON CONTRATO EVENTUAL

TOTAL GASTO GRUPO DE GOBERNO E ASESORÍA EXTERNA ……………………………………………………………………………………………  63.295,11 €

GASTOS PROMOCIÓN PERSOAL DO ALCALDE E GRUPO DE GOBERNO NO PERÍODO

TOTAL GASTOS NO PERIODO ESTUDADO ………………………………. 133.251,95 €

OUTRA INFORMACIÓN DE INTERESE: condicións dedicacións exclusivas e parciais, asistencias Xuntas de Goberno e asesora segundo o pleno organización da actual corporación municipal saída das pasadas eleccións municipais. Dietas e asignación grupo aparte

• As Xuntas de Goberno ordinarias previstas no período xullo 2011 – xaneiro 2012 serían 12, mais convocáronse 22, co que o gasto previsto inicialmente de 3.600 euros pasou a ser neste período de 6.600, 3.300 para cada edil.