Nota de prensa:
A Agrupación Socialista de Foz celebrou este pasado sábado Asemblea Extraordinaria.
Este pasado sábado a Agrupación local do PSdG-PSOE de Foz celebrou a asemblea extraordinaria para debater os distintos puntos da orden do día para preparar o vindeiro Congreso Nacional do partido.
O primeiro punto da orden do día que consistía no debate e aprobación da xestión dos órganos nacionais, quedando aprobada por maioría.
– No segundo punto do orden do día aprobáronse entre outras as seguintes emendas:
– Facer primarias en tódolos procesos do partido.
– Facer unha conferencia política anual na que todos os membros do comite se poidan expresar sen limitacións de tempo.
– Substituír a coordinadora comarcal por un comité comarcal.
– Que os concellos formen parte da mesa de negociación do reparto territorial do estado igual que o resto de Administracións, chegando a un teito do 25% a favor dos concellos
– Potenciar a unificación de municipios de menos de 5000 habitantes sempre e cando os veciños de ditos municipios estean de acordo.
– Xestión cooperativa agraria poñendo a disposición das mesmas, mediante mecanismos legais, terreos das distintas administracións hoxe en día abandonados, para facer mais fácil a unión cooperativa.
– Que a finalidade do IGAPE sexa o servicio aos cidadáns, e non o color político da Xunta, buscando a máxima transparencia nos seus contidos
– Redefinir un novo mapa de instalación de puntos de atención continuada, PAC.
– Que se envíen con periodicidade trimestral as listas de espera do sistema sanitario ao Parlamento para ser coñecidas polas forzas políticas
– Potenciar a actividade educativa Preescolar na Casa
– Buscar formas alternativas para lograr que a cidade da cultura se autofinancie.
– Que os novos afiliados figuren nos censos do partido nun prazo non superior aos dous meses unha vez presentada a documentación correcta.
O último punto do orden do día, era elixir os cinco delegados que lle corresponden a Agrupación de Foz para o vindeiro 12 Congreso Nacional, presentouse unha única lista integrada polos compañeiros:
José María García Rivera.
Luís Alfonso Sixto Legaspi.
María Luísa Piñeira Núñez.
María Estefanía Otero Rivas
Guadalupe Neira Luaces
Suplente: Ana Isabel Villarino Alonso
Neste curso a actividade estará dispoñible para as nosas pequenas Xoias e para alumnado externo, cunha sesión semanal, a cargo de Yasmin Toledo e Patrícia Sousa, do equipo de Segunda División. O alumnado poderá escoller o seu horario de adestramento entre os luns (16:00 h.-17:00 h., Vista Alegre) e os venres (19:30 h.-20:30 h., Monte Castelo). A actividade terá un custo de 6€/mes para o alumnado da escola laranxa e 24€/mes para o alumnado externo.
Un particular informou minutos despois das 11 horas deste xives dun camión que transportaba formigón envorcado no quilómetro 68 da N-640, á altura da parroquia de Ramil (Castro de Rei). Segundo explicou o mesmo alertador, o condutor permanecía no interior da cabina e outros dous turismos estaban implicados no accidente. De inmediato, desde o Centro Integrado de Atención ás Emerxencias solicitouse a acción de Urxencias Sanitarias de Galicia-061, da Garda Civil de Tráfico, dos Bombeiros de Vilalba e dos servizos de mantemento da estrada. Os bombeiros confirmaron que non tiveron que excarcerar, pois a persoa estaba xa fóra do vehículo cando chegaron ao punto. Así, colaboraron na limpeza da vía cos servizos de mantemento da estrada.
Neste espazo radiofónico Félix Jorquera falará coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá.
Ademais da intervención arqueolóxica de 2026, o Concello achega 7.500 euros para restaurar a cabaña C-2, lembrando que “Seguimos apostando por el patrimonio arqueológico y el desarrollo arqueológico del concejo”. Tamén se mellorou o acceso ao xacemento, e o castro consolídase como un recurso turístico en crecemento, clave para avanzar na desestacionalización.
Entre as 10:00 e as 14:00 horas haberá arredor dunha decena de postos con produtos agroecolóxicos e de proximidade, ademais dun punto informativo para persoas interesadas en emprender no sector e actividades infantís. A alcaldesa Marta Rouco destaca que a feira busca dar vida ao centro da vila e visibilizar o rural como espazo de emprendemento, mentres que a concelleira Paula Vigo salienta a colaboración con A Estruga para ampliar a oferta habitual do mercado. O Concello anima á veciñanza a achegarse e coñecer os proxectos participantes.
Nesta ocasión, o grupo desprazouse ata A Pontenova para realizar un percorrido de 17 quilómetros que combinou a Ruta dos Fornos, a Ruta do Ferrocarril e a Ruta do Muiñeiro Namorado. A actividade, de dificultade baixa, iniciou o seu percorrido na Praza dos Fornos da Pontenova e rematou en San Tirso de Abres.
O paseo comezará ás 20:00 h na rúa San Francisco, ao pé da igrexa, para continuar pola Praza de Abaixo e a rúa Antonio Otero, até chegar á Praza do Patín, xunto á Biblioteca Municipal El Viejo Pancho. Alí, ás 20:30 h, dará comezo a presentación da obra. A organización lembra con afecto as anteriores visitas de Souto a Ribadeo e confía en que, unha vez máis, se vivirá unha tarde especial guiada polo enxeño creativo do coruñés de Monte Alto, galego universal que levou as nosas letras polo Mar de Irlanda e polas corredoiras máis recónditas do país. A actividade está organizada pola A.C. Francisco Lanza.
