Nota de prensa:
En xullo de 2010 a Xunta converteu a esta localidade lucense en base permanente dunha das 11 ambulancias medicalizadas que hai en Galicia
A AMBULANCIA MEDICALIZADA EN FOZ GARANTE A ASISTENCIA SANITARIA URXENTE E ESPECIALIZADA EN HORARIO NOCTURNO E DURANTE AS 24 HORAS DO DÍA
Balseiro lembra que o PP fixo realidade a dotación desta nova ambulancia que o bipartito prometeu, pero que nunca cumpriron
Non comprenden como PSOE e BNG defendían no pasado que pola noite Foz contara só cunha ambulancia asistenicial, mentres que agora critican que o servizo estea cuberto coa medicalizada
Santiago, 3 de febreiro de 2012.- O deputado do Partido Popular de Galicia, Jose Manuel Balseiro, defendeu hoxe, durante a súa intervención na Comisión de Sanidade do Parlamento de Galicia, o “enorme paso positivo” que supuxo para o conxunto da comarca da Mariña lucense que o Goberno galego decidira situar na localidade de Foz a base permanente dunha das 11 ambulancias medicalizadas que hai en toda Galicia.
Balseiro lembrou que, deste xeito, o Goberno da Xunta cumpría un compromiso pendente cos veciños deste concello mariñán que, ata o momento, estaban cansos de recibir promesas que nunca se facían realidade. Neste senso repasou os reiterados incumprimentos do bipartito de PSOE e BNG que prometían situar en Foz unha ambulancia medicalizada e nunca o fixeron mentres gobernaron. Pola contra, o Partido Popular dotou a este concello, en xullo de 2010, desta ambulancia máis completa que conta cun aparataxe técnico máis complexo e que leva consigo un médico o que supón unha mellora substancial na atención das emerxencias e no transporte sanitario urxente da Mariña
REORGANIZACIÓN DO SERVIZO
O deputado popular explicou que o Goberno que preside Alberto Núñez Feijóo destinou un investimento próximo ao millón de euros, entre os gastos de mantemento deste servizo e as reformas que foron preciso executar no Centro de Saúde para adaptar parte das súas estancias como base permanente desta ambulancia.
Balseiro tamén indicou que unha vez que a Xunta decidiu manter a ambulancia medicalizada en Foz -de xeito permenente e continuo- procedeuse a unha reorganización do servizo de transporte médico que operaba na comarca da Mariña, realizando un reparto dos recursos máis equilibrado e eficiente. Ata ese momento en horario nocturno e en Foz operaban dúas ambulancias, a medicalizada e outra asistencial e, tendo en conta a carga de traballo nese horario decidiuse que fora só a medicalizada quen prestase a asistencia pola noite. O resto das quendas mantivéronse.
COBERTURA PERFECTA
Balseiro non comprende as críticas de PSOE e BNG “que estaban tan contentos cando Foz tan só tiña unha ambulancia asistencial pola noite, mentres que agora critican que a actual Xunta garanta o servizo en horario nocturno cunha ambulancia moito mellor e máis completa: a medicalizada”. Sinala que, sobre todo nestes momentos, hai que evitar que existan recursos ociosos e defendeu que a Mariña lucense está perfectamente cuberta de noite coas catro ambulancias coas que conta, e coa medicalizada.
Finalmente insistiu en que, como veciño e residente na Mariña, é o primeiro interesado en que os servizos de emerxencia funcionen correctamente e con calidade, e sinalou que por eso defende a reorganización das ambulancias que levou a cabo a Xunta, porque a asistencia médica hoxe é moito máis completa coa posta en marcha da nova ambulancia medicalizada que outros prometeron pero que tivo que ser o PP quen a puxo en marcha.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
