A Deputación ofrece auditorías de eficiencia enerxética a 47 Concellos da provincia aforrándolles 10.000 euros a cada un
– Faranse avaliacións das casas consistoriais e doutro edificio municipal que elixan as propias entidades locais para aforrar ata un 25% na factura enerxética desas instalacións
– Gómez Besteiro presentou esta nova liña de cooperación totalmente gratuíta para os Concellos, que financiará ó 100% o programa europeo Lug02 e que comezará antes do verán
O Presidente da Deputación, José Ramón Gómez Besteiro, acompañado polos Deputados de Cooperación e de Medio Ambiente, Juan José Díaz Valiño e Sonsoles López Izquierdo, respectivamente, anunciou este venres en rolda de prensa que a institución provincial, grazas ó programa europeo Lug02, será unha das primeiras administracións de Galicia en ofrecer auditorías de eficiencia enerxética totalmente gratuítas a 47 Concellos da provincia, aforrándolles uns 10.000 euros a cada un, pois este é o prezo de mercado que teñen este tipo de traballos. Así mesmo, unha vez realizadas as avaliacións, a Deputación estudará a posibilidade de financiar a posta en marcha dos plans de acción que se propoñan, subliñou o Presidente. Os Concellos ós que se lles ofrecen as auditorías forman o denominado Club dos Renovables, que xurdiu despois de propoñerlles a todos os municipios da provincia outras iniciativas de aforro medioambiental. Deles, foron 47 ós que aceptaron, o que representa o 70% dos da provincia, e os que integrarán o Club.
Gómez Besteiro subliñou que “a cooperación cos Concellos está a ser unha constante na acción deste equipo de goberno. Hai menos dun mes presentamos os novos servizos de asistencia técnica en materia económica, hai tan só unha semana aprobábamos as bases do Plan de Comunidades Veciñais, no que por primeira vez financiaremos o 100% do custe das obras, e agora damos un paso máis con esta nova liña de axuda ós municipios, financiada ó 100% polo proxecto Lug02 e que permitirá un novo e importante aforro ás arcas municipais, ó tempo que contribuirá a preservar o medio ambiente”.
O programa de auditorías consistirá nunha análise individual, Concello por Concello, das casas consistoriais e doutro edificio de titularidade municipal que escollan as propias entidades locais (que pode ser o polideportivo, a casa da cultura…) para detectar os posibles problemas de eficiencia que existan e as fórmulas que poden adoptar para aforrar ata un 25% na factura enerxética desas instalación grazas a unha utilización máis axeitada dos recursos.
Segundo destacou o Presidente, a implantación de medidas de aforro e eficiencia enerxética “é algo que veñen facendo moitos Concellos da provincia co obxectivo de reducir os gastos correntes e afrontar a difícil situación económica que teñen moitos deles. O que pretendemos na Deputación con este programa é atender unha demanda existente que teñen hoxe en día os Concellos, ademais de alivialos dun custe que por si sos, nestes difíciles momentos nos que nos atopamos, non poderían levar a cabo. Hai que ter en conta que o custe dunha auditoría enerxética pode ascender, segundo prezos de mercado, ós 10.000 euros, e tamén que a factura eléctrica dun Concello medio da provincia, de 5.000 habitantes, é de arredor de 200.000 euros, o supón un gran carga económica”. Ó mesmo tempo, engadiu Besteiro, “cumprimos coa recomendación da Federación Galega de Municipios e Provincias de buscar solucións individualizadas e concretas para os Concellos, e non aplicar fórmulas universais porque son menos eficaces”.
Fórmulas para reducilo consumo
Os traballos centraranse fundamentalmente no consumo eléctrico das casas consistoriais e doutro edificio público de titularidade municipal. Deste xeito, analizando unha posible instalación de dispositivos de baixo consumo, como poden ser lámpadas LED ou detectores de presenza, conseguiríase un aforro anual de ata o 25% na factura que un Concello paga pola luz deses edificios. É dicir, se tomamos como referencia un municipio medio de 5.000 habitantes, como pode ser o de Mondoñedo, que paga uns 8.000 ó ano polo consumo de luz da casa consistorial e da casa da cultura, o aforro pode chegar ata os 2.000 euros.
Outros aspectos que se avaliarán nas auditorías serán a instalación de reguladores e válvulas termostáticas no sistema de calefacción e de programadores de rego.
Aprobado no Consello de Cooperación
O proxecto foi aprobado esta mesma mañá por unanimidade no Consello de Cooperación Provincial, que tivo lugar xusto antes da rolda de prensa ofrecida polo Presidente e do que forman parte os tres grupos políticos da Deputación (PSOE, BNG e PP). Tamén hoxe mesmo sairán de San Marcos cartas dirixidas ós 47 Concellos do Club dos Renovables para informalos da posta en marcha das auditorías enerxéticas e propoñerlles que se adhiran.
Estas avaliacións comezarán a realizarse antes do verán e estarán completadas a finais de ano. O persoal técnico da Axencia Provincial de Enerxía, situada no INLUDES, será o encargado de levalas a cabo.
O Presidente explicou que este programa “súmase á política de aforro que dende a Deputación vimos levando a cabo nos últimos catro anos e grazas á que no Orzamento deste 2012 recortamos os gastos correntes en máis de 2 millóns de euros. Precisamente, só coa reforma do contrato do subministro eléctrico das instalacións provinciais que aprobamos hai 2 meses, este ano aforraremos 130.000 euros, é dicir, 30 millóns das antigas pesetas”.
Remitido
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
