Nota de prensa
TRINTA BARES E RESTAURANTES PARTICIPARÁN NA IX RUTA DAS TAPAS DE FOZ QUE ORGANIZA A ASOCIACIÓN DE COMERCIANTES, INDUSTRIAIS E AUTÓNOMOS. SERÁ OS DÍAS 6 E 7 DE ABRIL.
Foz, 23 de marzo de 2012. Todo está listo en Foz para a celebración da IX Ruta das Tapas que terá lugar os días 6 e 7 de abril en plena Semana Santa. Trinta son os locais que se darán cita nesta edición. Cada un ofrecerá dúas tapas á súa clientela.
Os que se acheguen a Foz a disfrutar da IX Ruta das Tapas poderán degustar as propostas dos hostaleiros a mediodía e tamén pola noite, será de 13 a 15 horas e de 20 a 23 horas. O presidente da Asociación de Comerciantes, Industriais e Autónomos, José Carlos Paleo, agarda que “a Ruta das Tapas de Foz sexa un éxito, ao igual que xa o foi nas pasadas edicións. Pensamos que é unha iniciativa que xa está consolidada entre os hostaleiros, entre os nosos veciños e entre todos os que se achegan a Foz e a outros puntos da Mariña a pasar as vacacións de Semana Santa”. Paleo subliña “o traballo que se realiza desde os fogóns dos bares, mesóns e restaurantes e tamén a imaxinación e a creación dos cociñeiros e hostaleiros”. O prezo de cada tapa será de 1 euro.
Relación de participantes e tapas
A Maseira: pulpo A Maseira e delicias de pescado; A Bolera: el tesoro de las Mercedes e la cajita feliz; A Ribeira: delicias da Ribeira e caprichos; A Rula: brocheta de pulpo e gulas con gambas; A Rambla: salpicón de temporada e tosta de xarda; A Funcional: ensalada de garbanzos e albóndigas de bacalao; A Caracola: papa a la huancaína e mar das delicias; Anduriña: mestura de terra e mar con algas wuakame e caramelo de queixo de tetilla e cebola; O Chícaro: noite de San Juan e sorpresa O Chícaro; O Pelolo: mar Cantábrico e frutos da terriña; O Taco: cóctel de gambas e pulpo estilo Taco; O Náutico: plan vexetal e tixola marina; Xoyma: Ronaldo e Messi; Dandy: ragú con setas silvestres e angulas con crema queixo piquillo e gambas; Dallas: atadillo de pataca enmascarada con gamas e salpicón de marisco en dúas salsas; Express: pañuelo sorpresa e delicias de mar; Happy Days: crepe de mar e delicias Happy Days; May-Ross: montadiño May-Ross e ensalada fantasía; Leyton: sorpresas do Leyton; O Mar: callos de mar con chorizo de pulpo e concha de hojaldre de marisco; Costumes do Mar: raviolón relleno de marisco e empanadillas porteñas; Tangarte Mariñeiro: tosta de cabra e delicia do mariñeiro; A Soalta: brocheta de gambón e montadiños de bacalao con pementos do piquillo; O Tangarte: tosta anticrisis e delicias do mesón; O Norte: maravillas o mar e tartaleta O Norte; El Rincón de Anita: oliñas e conquista; Namarinos: brocheta de marisco e carrilleras en salsa Namarinos; Portovello: tupinete de allo e trinxat Portovello; O Lar: tosta de salón sobre espuma de tomate e volta de solomillo ibérico sobre reducción de viño de Amandi; e A Xoyña (pizzería): empanada de carne, carne e máis carne e unha boa tapa.
Ruta dos viños
En Foz tamén continúa estes días a I Ruta dos Viños, que comezaba a finais de febreiro e concluirá o vindeiro 1 de abril. ACIA Foz sorteará entre os clientes dos 35 locais participantes 1.200 euros en vales de compra para gastar nos establecemeentos asociados ao longo das vindeiras semanas. Entrarán no sorteo aqueles que consigan o selo de todos os bares que se dan cita na I Ruta dos Viños.
Neste curso a actividade estará dispoñible para as nosas pequenas Xoias e para alumnado externo, cunha sesión semanal, a cargo de Yasmin Toledo e Patrícia Sousa, do equipo de Segunda División. O alumnado poderá escoller o seu horario de adestramento entre os luns (16:00 h.-17:00 h., Vista Alegre) e os venres (19:30 h.-20:30 h., Monte Castelo). A actividade terá un custo de 6€/mes para o alumnado da escola laranxa e 24€/mes para o alumnado externo.
Un particular informou minutos despois das 11 horas deste xives dun camión que transportaba formigón envorcado no quilómetro 68 da N-640, á altura da parroquia de Ramil (Castro de Rei). Segundo explicou o mesmo alertador, o condutor permanecía no interior da cabina e outros dous turismos estaban implicados no accidente. De inmediato, desde o Centro Integrado de Atención ás Emerxencias solicitouse a acción de Urxencias Sanitarias de Galicia-061, da Garda Civil de Tráfico, dos Bombeiros de Vilalba e dos servizos de mantemento da estrada. Os bombeiros confirmaron que non tiveron que excarcerar, pois a persoa estaba xa fóra do vehículo cando chegaron ao punto. Así, colaboraron na limpeza da vía cos servizos de mantemento da estrada.
Neste espazo radiofónico Félix Jorquera falará coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá.
Ademais da intervención arqueolóxica de 2026, o Concello achega 7.500 euros para restaurar a cabaña C-2, lembrando que “Seguimos apostando por el patrimonio arqueológico y el desarrollo arqueológico del concejo”. Tamén se mellorou o acceso ao xacemento, e o castro consolídase como un recurso turístico en crecemento, clave para avanzar na desestacionalización.
Entre as 10:00 e as 14:00 horas haberá arredor dunha decena de postos con produtos agroecolóxicos e de proximidade, ademais dun punto informativo para persoas interesadas en emprender no sector e actividades infantís. A alcaldesa Marta Rouco destaca que a feira busca dar vida ao centro da vila e visibilizar o rural como espazo de emprendemento, mentres que a concelleira Paula Vigo salienta a colaboración con A Estruga para ampliar a oferta habitual do mercado. O Concello anima á veciñanza a achegarse e coñecer os proxectos participantes.
Nesta ocasión, o grupo desprazouse ata A Pontenova para realizar un percorrido de 17 quilómetros que combinou a Ruta dos Fornos, a Ruta do Ferrocarril e a Ruta do Muiñeiro Namorado. A actividade, de dificultade baixa, iniciou o seu percorrido na Praza dos Fornos da Pontenova e rematou en San Tirso de Abres.
O paseo comezará ás 20:00 h na rúa San Francisco, ao pé da igrexa, para continuar pola Praza de Abaixo e a rúa Antonio Otero, até chegar á Praza do Patín, xunto á Biblioteca Municipal El Viejo Pancho. Alí, ás 20:30 h, dará comezo a presentación da obra. A organización lembra con afecto as anteriores visitas de Souto a Ribadeo e confía en que, unha vez máis, se vivirá unha tarde especial guiada polo enxeño creativo do coruñés de Monte Alto, galego universal que levou as nosas letras polo Mar de Irlanda e polas corredoiras máis recónditas do país. A actividade está organizada pola A.C. Francisco Lanza.
