O goberno municipal fía agora a recuperación económica do concello na estabilidade orzamentaria e na recuperación do remanente de tesourería que desprezou durante os últimos 10 anos con resultados negativos que chegaron a 1,7 millóns de euros no 2008.
A eliminación de inmediato do custe da asesora Pilar Armada equivale ao ingreso previsto nos próximos 4 anos en 4 das 8 medidas previstas no Plan de Axuste, entre elas o cobro dunha taxa polo P.A.I.
Estúa lémbralle ao PP o malgasto económico ao que se lanzou na época do ladrillo do que quedaron herdanzas como os 1,3 millóns de euros incobrables de Pasillo Verde.
Cervo, 29 de marzo de 2011. O BNG acusou ao goberno municipal de opacidade no plan de axuste derivado do RD Lei 4/2012 para o pago de débedas pendentes con provedores da entidade local. Os nacionalistas acusan ao goberno municipal de ter secuestrada a información do asunto que se presentou como urxente no pleno previsto para o xoves 29 ao que so acudiu o PP ao negarse a cambiar a data por coincidir coa folga xeral convocada para ese día. O portavoz municipal nacionalista, Xoán Antón Estúa, afirmou que o PP é responsábel da situación económica do concello despois de 12 anos no goberno local nos que, incluso en época de bonanza económica, inflaba os orzamentos e gastaba a maos cheas co resultado de remanentes de tesourería negativos consecutivos e débedas sen cobrar como os 1,3 millóns que non pagou a inmobiliaria Pasillo Verde. O nacionalista afirmou que o Plan contempla 11 medidas, 8 para incrementar os ingresos e 3 para redución do gasto, consideran indecente que se manteña o posto de asesora como persoal de confianza da exconcelleira Pilar Armada ate 2015 cun gasto que equivale a 4 das oitos medidas impositivas previstas no Plan de Axuste ate esa data.
Os nacionalistas consideran indecente que o goberno local non reduza gastos nas retribucións do grupo de goberno e pola contra traslade á cidadanía os custos do Plan de Axuste.
O plan de axuste incluído no RD Lei 4/2012 para o pago de débedas pendentes con provedores da entidade local que suman un total de 731.125,37 euros en facturas con datas que van dende o ano 1998 ao 2012, aprobado en solitario polo PP nun pleno ao que non asistiu a oposición municipal por coincidir coa Folga Xeral, segundo a valoración do portavoz municipal nacionalista, Xoán Estúa que o recibiu ás 14.30hrs. de onte, “supón cargar sobre a cidadanía os custes da mala xestión económica do PP dos últimos 10 anos sen que eles asuman absolutamente nada”. O nacionalista explicou que no plan inclúense 11 medidas, 8 de carácter para incrementar os ingresos e 3 para redución de gastos: 4 das medidas de carácter recadatorio xa están en aplicación, a suba do IBI de Urbana cun incremento do 10%, a suba do servizo de abastecemento de auga e saneamento cun incremento do 40%, a suba do IVTM nun 1,8% e as taxas pola venda no mercado semanal de San Cibrao. As outras 4 medidas que o goberno municipal pretende por en funcionamento a partir de 2013 serán o cobro polo servizo do Punto de Atención Infantil(PAI), a taxa por expedición de documentos e dúas medidas non impositivas de mellora e reforzo dos procesos recadatorios.
Nas 3 medidas re redución do gasto preténdese levar a cabo unha diminución no gasto de persoal de 40.000 euros no 2012 e 60.000 no 2013, a redución do persoal de confianza, coa eliminación no 2015 do posto de aseora que desempeña actualmente a exconcelleira Pilar Armada de 20.908 euros e a redución dos custes nos contratos menores de 10.000 euros no 2013 e 15.000 no 2015.
Para Estúa, “é indecente que o goberno local traslade á cidadanía a xestión o custe da mala xestión económica do goberno municipal do PP sen que a eles lles supoña ningún custe nas súas retribucións”. O nacionalista puxo como exemplo que a eliminación inmediata do posto de asesora suporía un aforro equivalente ao ingreso previsto en 4 das 8 medidas previstas de carácter impositivo de aquí ao 2015 nun importe de 83.000 euros, ademais lembrou que no concello de Cervo, con menos de 5.000 habitantes, a cidadanía soporta os gasto de 1 dedicación exclusiva e tres parciais mais o cobro de dúas concelleiras por asistencias a Xuntas de Goberno a 150 euros a sesión, “Estúa cualificou de sangrante esta situación e moito mais cando vemos como as sesións das Xuntas de goberno multiplícanse por dous en relación ás previsións iniciais”
O PP fía agora a recuperación económica na estabilidade orzamentaria e na recuperación do remanente de tesourería que desprezou durante os últimos 10 anos aínda en época de bonanza económica.
O discurso do goberno municipal “é sorprendente”, afirmou Estúa, ao pretender agora a obtención de remanentes de tesourería positivos, o nacionalista comparte co goberno local que magnitude é unha das mellores medidas da saúde económica dun concello, pero xa o era antes e lembrou que nos últimos 10 anos os remanentes foron negativos (ano 2002 -754.000, ano 2003 -1.440.000, ano 2004 -754.000 euros, ano 2005 -1.440.000, ano 2008 -1.700.000, ano 2009 -247. 000) so no ano 2010 a liquidación ofreceu un resultado positivo de 17.000 euros. Estúa criticou que “precisamente nos anos de maior bonanza económica, cando o concello recadaba cuantiosas sumas por licenzas de construción, foran incapaces de estabilizar o orzamento e incluso, lanzados como estaban na febre polo ladrillo, quedaran herdanzas xa dificilmente recuperables como os 1,3 millóns de euros que a desaparcida Pasillo Verde adebeda ao concello.
Remitido
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
