Nota de prensa
O BNG REÚNE A SÚA EXECUTIVA PARA DEFINIR AS RESPONSABILIDADES DE CARA AO NOVO PERIODO
“Nós non imos asistir como espectadores pasivos ao proceso de morte lenta da nosa comarca”
O BNG celebrou na tarde de hoxe unha xuntanza da súa executiva comarcal da Mariña onde se procedeu á reorganización da mesma co reparto das responsabilidades para executar o plan de traballo aprobado na primeira sesión ordinaria do Consello Comarcal da formación. As responsabilidades ficaron do xeito que se enumeran: Antonio Veiga, responsable e portavoz comarcal, Xoán Estúa, vicerresponsable comarcal e secretaría de finanzas, Elvira Arias, secretaría de organización; Susana Riveira, secretaría de Muller; Xusto F. Haro, secretaría de política municipal; Manuel Parga, secretaría de política institucional; Ramón Ermida, secretaría de comunicación; Federico Gutiérrez Estoa, secretaría de formación; e Senín González Baño, responsable de Galiza Nova.
Segundo indicou Antonio Veiga “a dirección executiva do BNG na Mariña está a observar con moitísima preocupación a xestión que se está a facer da crise nomeadamente no que ten a ver co desmantelamento dos servizos públicos, a perda de emprego, e o aumento dos desequilibrios territoriais. Este último feito está a evidenciarse de xeito claro na nosa comarca tanto no referido ao feito de cómo a administración autonómica está a responder aos Eres e aos procesos concursais, antigas suspensións de pago, que ningún caso van acompañados de planos de acompañamento social como ben viron os veciños de Mondoñedo, Lourenzá ou mesmo Burela. Pero tamén no proceso de recentralización no ámbito provincial de servizos públicos esenciais que ata o día de hoxe se daban como asentados do que é un bo exemplo o hospital da Costa que está a ser autenticamente desguazado en beneficio do novo hospital de Lugo. Semella que aquela vella realidade que lle tocou vivir a moitas xeracións de mariñaos de nacer na Xesta ou na Gañidoira xa non é cousa do pasado, senón o futuro próximo que nos agarda”.
O portavoz dos nacionalistas mariñaos indicou “a necesidade dunha resposta social contundente do conxunto da poboación da comarca a fin de mudar o camiño trazado e de recuperar todo aquilo que levamos perdido desde o inicio da actual crise. A folga xeral non é só unha resposta á recente reforma laboral que veñen de aprobar neste caso os populares como no seu momento fixeron os socialistas, a folga xeral que a nosa organización apoia e impulsa de xeito decidido ten que ser o inicio dun calendario de protesta continuo que sexa quen de dobregar aos poderes económicos pero tamén de esixir da Xunta de Galiza e do Goberno do Estado compromisos claros coa Mariña. Nós non imos asistir como espectadores pasivos ao proceso de desmantelamento e tamén de morte lenta da nosa comarca, e nese sentido é polo que os nacionalistas chamamos á sociedade a participar da folga xeral do 29 de marzo. Esta folga non vai con ninguén en concreto senón que vai con todos en xeral, particularmente con aqueles que se atopan en situación de desemprego, con aqueles outros que coa reforma aprobada se converterán en breve en parados, e por suposto cos autónomos e cos comerciantes a quen a perda de poder adquisitivo así como a falta de apoio polo sistema financieiro condenanos a un futuro de quebra”.
Os nacionalistas na súa xuntanza de hoxe destacaron que “os grupos municipais da nosa organización van a presentar mocións en todos os concellos da Mariña en apoio á xornada de folga do 29 de marzo porque estamos certos que se a sociedade, a clase traballadora foi quen de paralizar unha reforma laboral proposta tamén por un goberno con mayoría absoluta do que formaba parte Aznar, hoxe tamén é posible paralizar esta reforma e obrigar ao gobernó da Xunta e ao Goberno do Estado a que sitúe a creación do emprego como eixo básico da política económica. A nós non nos preocupan palabras fetiche como “déficit”, “balanza por conta corrente”, “produtividade”, a nós preocúpanos o drama que sofren, día a día, aqueles que non teñen traballo, aqueles a quen se lle recorta o seu poder adquisitivo e tamén nos preocupa o discurso do Partido Popular que está a criminalizar a todas as persoas que non se atopan en situación de desemprego.
Neste curso a actividade estará dispoñible para as nosas pequenas Xoias e para alumnado externo, cunha sesión semanal, a cargo de Yasmin Toledo e Patrícia Sousa, do equipo de Segunda División. O alumnado poderá escoller o seu horario de adestramento entre os luns (16:00 h.-17:00 h., Vista Alegre) e os venres (19:30 h.-20:30 h., Monte Castelo). A actividade terá un custo de 6€/mes para o alumnado da escola laranxa e 24€/mes para o alumnado externo.
Un particular informou minutos despois das 11 horas deste xives dun camión que transportaba formigón envorcado no quilómetro 68 da N-640, á altura da parroquia de Ramil (Castro de Rei). Segundo explicou o mesmo alertador, o condutor permanecía no interior da cabina e outros dous turismos estaban implicados no accidente. De inmediato, desde o Centro Integrado de Atención ás Emerxencias solicitouse a acción de Urxencias Sanitarias de Galicia-061, da Garda Civil de Tráfico, dos Bombeiros de Vilalba e dos servizos de mantemento da estrada. Os bombeiros confirmaron que non tiveron que excarcerar, pois a persoa estaba xa fóra do vehículo cando chegaron ao punto. Así, colaboraron na limpeza da vía cos servizos de mantemento da estrada.
Neste espazo radiofónico Félix Jorquera falará coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá.
Ademais da intervención arqueolóxica de 2026, o Concello achega 7.500 euros para restaurar a cabaña C-2, lembrando que “Seguimos apostando por el patrimonio arqueológico y el desarrollo arqueológico del concejo”. Tamén se mellorou o acceso ao xacemento, e o castro consolídase como un recurso turístico en crecemento, clave para avanzar na desestacionalización.
Entre as 10:00 e as 14:00 horas haberá arredor dunha decena de postos con produtos agroecolóxicos e de proximidade, ademais dun punto informativo para persoas interesadas en emprender no sector e actividades infantís. A alcaldesa Marta Rouco destaca que a feira busca dar vida ao centro da vila e visibilizar o rural como espazo de emprendemento, mentres que a concelleira Paula Vigo salienta a colaboración con A Estruga para ampliar a oferta habitual do mercado. O Concello anima á veciñanza a achegarse e coñecer os proxectos participantes.
Nesta ocasión, o grupo desprazouse ata A Pontenova para realizar un percorrido de 17 quilómetros que combinou a Ruta dos Fornos, a Ruta do Ferrocarril e a Ruta do Muiñeiro Namorado. A actividade, de dificultade baixa, iniciou o seu percorrido na Praza dos Fornos da Pontenova e rematou en San Tirso de Abres.
O paseo comezará ás 20:00 h na rúa San Francisco, ao pé da igrexa, para continuar pola Praza de Abaixo e a rúa Antonio Otero, até chegar á Praza do Patín, xunto á Biblioteca Municipal El Viejo Pancho. Alí, ás 20:30 h, dará comezo a presentación da obra. A organización lembra con afecto as anteriores visitas de Souto a Ribadeo e confía en que, unha vez máis, se vivirá unha tarde especial guiada polo enxeño creativo do coruñés de Monte Alto, galego universal que levou as nosas letras polo Mar de Irlanda e polas corredoiras máis recónditas do país. A actividade está organizada pola A.C. Francisco Lanza.
