Nota de prensa:
Este xoves 22 de marzo, ás 19:30 h, presentamos no Cenima a exposición “Interpretacións na Mariña”, de M. Manxela, seudónimo de Marián Pérez Losada. M. Manxela é licenciada en Belas Artes pola Universidade de Barcelona e é profesora de artes plásticas en Palma de Mallorca. Na súa carreira artística, colaborou en proxectos multimedia con TALLERS da Quam de Barcelona e nos “XXV premis Octubre” en Valencia. Participou en exibicións na Sala Metronom de Barcelona, no Circulo de Bellas Artes de Madrid, no MACBA, Museo de Arte Contemporáneo de Barcelona e no Casal Solleric de Palma. Este ano pideu o traslado ó IES Marqués de Sargadelos de S. Cibrao para completar o seu último proxecto artístico que dende fai tres anos a leva a interpretar os entornos naturais que lle son máis próximos, os ríos ourensáns, as augas e os ceos de Mallorca e, agora, os horizontes da Mariña tinguidos de rosas nos seus amenceres.
“Interpretacións na Mariña” son un conxunto de composicións, de olladas, de intres baixo a luz da Mariña Lucense. Unha pintura que emana directamente da cor do mar, dos seus reflexos e transformacións atmosféricas. A autora acompañada das súas acuarelas, instálase no medio dunha paisaxe que a seduza e realiza os seus apuntamentos, o que olla, o que sente mediante transparencias de auga e cor. As acuarelas flúen coa auga no papel rapidamente con ritmo de observacións e silencios. A súa mirada contemplativa mimetízase co entorno e fai que o observador fique absorto por uns intres converténdose en cómplice do que observa; unha “Natura” que o envolve e o transforma.
M. Manxela considera estas Interpretacións “un acto reflexivo para conectar co natural que hai dentro de min. É realmente unha viaxe polo meu interior que se reflicte no exterior. A cor, cando a percibo pode ser para min un tránsito de coñecemento. A miña catarse aliméntase da luz natural literalmente e serve como revulsivo das miñas dúbidas e os meus medos. Anúnciame esperanza e disipan unha ausencia. A paisaxe como encontro agardado”.
A exposición conta co acompañamento dos versos espontáneos de Paco Rivas, que quixo colaborar con M. Manxela transformado en verbas as intensas cores das súas obras.
A exposición permanecerá aberta ó público ata o vindeiro 14 de abril.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
