Uns vinte locais hostaleiros de San Cibrao participarán na Festa do Mexillón

Unha vintena de locais hostaleiros de San Ciprián participarán na Festa do Mexillón que terá lugar o 7 de abril

-Os bares e restaurantes cociñarán o bivalvo das formas máis variadas

-A presentación do cartel tivo lugar hoxe coa presenza de representantes do goberno local e de hostaleiros participantes

Cervo, 28 de marzo de 2012-O Concello de Cervo presentou hoxe o cartel da Festa do Mexillón, que se celebra todos os sábados da Semana Santa e que este ano cadra o 7 de abril. Ese día, uns 20 bares e restaurantes da localidade cervense de San Ciprián prepararán quilos e quilos deste molusco tan típico da costa galega. E farano utilizando receitas moi variadas, dende as máis sinxelas como ao vapor ou cocidos así como outras máis elaboradas e incluso innovadoras. Ao longo de todo o día veciños, turistas e visitantes poderán degustar as racións de mexillón nesta cita gastronómica que leva máis de 15 anos celebrándose.

Na presentación estiveron o alcalde de Cervo, Alfonso Villares, a edil de Turismo, Begoña Alonso e varios responsables dos locais participantes. A concelleira destacou a importancia de “exaltar este producto del mar que tiene unas infinitas posibilidades culinarias y que combina perfectamente con multitud de alimentos aportándoles un sabor especial”, e sobre todo sendo preparado “por las expertas manos de nuestros cocineros locales”.

Ademais, Alonso puxo especial énfase na función que cumpre esta festa que, ao igual que outras citas festivas ou gastronómicas, “consigue atraer a cientos de persoas hasta nuestro municipio, dinamizando al sector hostelero en concreto y al turístico en general”, di a edil. Por iso a responsable de Turismo cualificou aos hostaleiros de “activos y dinámicos” por ser capaces de aproveitar “las posibilidades de la gastronomía gallega y detectar en el mejillón un gran aliado para impulsar sus locales”.

Remitido