” VIVAN AS CADEAS! ”
Algúns argumentos que escoitei nestes días e algunhas conversacións que non puiden evitar oír, dicía o meu avó Xesus de Regal “ O que teño que oír por non ser xordo”, recordáronme o berro de ” vivan as cadeas! ” acuñado en 1814, cando regresou a España Fernando VII e quedou abolida a Constitución de 1812, que agora os herdeiros de aqueles que a bautizaron despectivamente como “A Pepa” a celebren con tanto bombo e platiño.
Partidarios do réxime absolutista utilizaron ” Vivan as cadeas! ” como lema para expresar o seu alborozo pola eliminación do sopro de liberdade que supuxo a Pepa, igualiño que sucedeu cando o golpe de Tejero ou feitos similares por parte de unha tropa do carallo que segue aí escondida na reacción, os cirios e a mala hostia conxénita.
Este ano cúmprense dous séculos das Cortes de Cádiz e en data tan sinalada como esta semana, non está de máis acordarse tamén das cadeas.
Escoitei tamén que a folga é un asunto dos sindicatos, coma se os contratos os asinasen eles, ou coma se fosen eles os únicos que fosen sufrir os acertos ou desacertos do Goberno que nos goberna ou desgoberna nestes tempos procelosos, e a min non me gusta o rumbo que leva este goberno e por iso expreso o meu descontento coa reforma, pero tamén co que me temo que vén detrás, recesión, diminución do consumo, descenso de exportacións, aumento de importacións, perdón a os chourizos dos cartos negros e en paraísos fiscais.. iso no senso económico, no social, mais paro, peor sanidade publica, peor educación, peor atención a os nosos maiores, menos cultura….
Rajoy está a facer o que era de esperar, aínda que non o dixese na campaña, e aínda que o dixese temos moito xordo de comenencia e votaríao igual, e fai e desfai coa lexitimidade da maioría absoluta. Pero pódese protestar.
A miña sorpresa vén por algunha conversación que tiven que escoitar, sigo a non estar xordo, como meu avó, sobre os malos que son os que critican a o PP, coma se o asunto non fose cos que din tales cousas, coma se non tivesen fillos, sobriños ou netos ou coma se eles mesmos non dependesen dun posto de traballo, dos impostos, das axudas sociais, da ensinanza publica, da sanidade……..
Otero Regal
.
Os servizos sanitarios trasladaron ao hospital a tres persoas implicadas nunha colisión frontal en Castro de Rei. Unha delas tivo que ser excarcerada polos Bombeiros de Vilalba. Contra as 11:15 horas, un particular informou ao 112 Galicia dun choque entre dous vehículos no quilómetro 71 da N-640, á altura da parroquia de Viladonga. Desde o punto, os alertadores sinalaron que unha persoa permanecía atrapada. Desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada. Os bombeiros liberaron á persoa, que foi trasladada xunto con outros dous feridos ao hospital en ambulancia.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
A artista, referente da música popular galega, conectou cun público diverso que gozou dunha sesión vermú marcada por máis de trinta anos de traxectoria. O concerto serviu tamén como despedida e recoñecemento a Valentín González e Viviana Pérez, que deixan a organización da comisión de festas tras dúas décadas. O deputado de Mocidade, Daniel García, destacou a importancia da implicación veciñal para manter vivas as celebracións que fortalecen a identidade comunitaria e reafirmou o apoio da Deputación ás redes asociativas e á programación cultural en galego. A actuación forma parte da iniciativa provincial para achegar música tradicional e en galego a todos os públicos.
Cómpre sinalar que este produto conta cun distintivo de calidade diferenciada, a Indicación Xeográfica Protexida Faba de Lourenzá, un dos 36 selos recoñecidos en Galicia que amparan a súa excelencia. Neste sentido, a Xunta vén de lanzar a nova marca Aquí Sabemos, coa que se busca reforzar o coñecemento e a identificación por parte dos consumidores dos produtos alimentarios galegos protexidos por figuras de calidade diferenciada.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Neste espazo radiofónico Félix Jorquera falou coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá. Por diante queda toda unha fin de semana chea de actividades arredor da faba de Lourenzá. Os organizadores animan a acudir a esta cita.