O ESTADO ACABA DE CEDERLLE AO CONCELLO DE RIBADEO A PARTE DO EDIFICIO DA CASA DO MAR QUE OCUPABA A XUNTA. FERNANDO SUÁREZ AGARDA QUE EN POUCO TEMPO ESE INMOBLE SE CONVERTA NA CASA DA MÚSICA. SERÁ CANDO ABANDOEN ESAS DEPENDENCIAS CAPITANÍA MARÍTIMA E O ISM.
Ribadeo, 3 de maio de 2012. A Tesorería General de la Seguridad Social ven de cederlle ao Concello de Ribadeo a parte do edificio da Casa do Mar que ocupaba a Xunta. O alcalde, Fernando Suárez, amósase satisfeito e agarda que en pouco tempo, coa saída dese inmoble da Capitanía Marítima e do ISM, a Casa do Mar poida converterse en Casa da Música.
O rexedor referíuse “a esta petición que temos feito desde hai xa bastante tempo para que a Casa do Mar pase a ser finalmente municipal, como o foi nun principio ata o ano 1979 en que o Concello a cedeu para un centro de saúde. É evidente que desde entón as circunstancias cambiaron moito, o centro de saúde está xa noutro lugar desde hai moito tempo, pero o patrimonio dese edificio figura a nome do estado”.
Suárez Barcia lembrou que “desde hai tres anos tentamos que se nos vaian devolvendo paseniñamente partes dese edificio da Casa do Mar. E acábannos de conceder a cesión da parte que ocupaba a Xunta de Galicia, que se foi de aí hai algúns meses, e agora a Tesorería General de la Seguridad Social acaba de facernos esa cesión”. O alcalde de Ribadeo explicou que “Capitanía Marítima abandoará nuns meses este edificio para irse ao antigo faro na avenida de Calvo-Sotelo, e tan só quedarían aí as dependencias do Instituto Social da Marina, que tamén depende do goberno estatal, e unha vez que esta parte estivese fora deste edificio, que non de Ribadeo, o Concello podería levar adiante o proxecto de converter a Casa do Mar en Casa da Música”.
Fernando Suárez dixo que “hai que ter en conta que desde hai xa prácticamente 20 anos a Casa do Mar é a sede da Escola Municipal de Música e Danza de Ribadeo, e o sitio que ocupan está totalmente constreñido, é unha especie de lata de sardiñas e precisamos máis espazo en todo edificio non só para a EMMeD senón para outras circunstancias musicais e culturais como pode ser a Coral Polifónica de Ribadeo”. O rexedor ribadense considera que “esta cesión, que non ten ningún custe para o Concello, implicará que o Concello levará tamén a xestión do salón de actos da Casa do Mar. E esperamos que dentro de pouco tempo coa saída deste edificio do ISM, insisto que non de Ribadeo dado que lles temos ofrecido algún local no Concello, todo o inmoble sexa de titularidade municipal”.
Peprich
Por outra banda, hoxe hai xuntanza no Concello de Ribadeo da comisión de urbanismo para afondar na elaboración do PEPRICH (Plan Especial de Protección e Reforma Interior do conxunto histórico de Ribadeo). O alcalde, Fernando Suárez, asegura que “unha vez máis, ao igual que aconteceu co PXOM, todos os grupos traballaremos para sacar adiante este documento”.
Remitido
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
