A Deputación incrementa nun 25% as axudas a Preescolar na Casa con 65.000 euros
– A institución aumenta as súas achegas logo de que o Goberno galego suprimise a subvención de 500.000 euros ó programa que fomenta a igualdade de oportunidades educativas no rural
– Segundo datos oficiais, a decisión da Xunta obrigou ó recorte deste servizo en 72 Concellos galegos, atendendo a 2.000 familias menos e reducindo os postos de traballo en 10 persoas
– Coas axudas de Deputación e primando ás zonas de maior dispersión xeográfica, Preescolar cubre en Lugo ó 85% dos municipios con 9 profesionais que atenden a 1.500 usuarios
– A Deputacion situará 90 sinais en todos os accesos a Terras do Miño e Os Ancares con fondos dun convenio co Ministerio de Medio Ambienta que o actual Goberno Central non reeditará
A Deputación de Lugo incrementa nun 25% as axudas a Preescolar na Casa, achegando un total de 65.000 euros co fin de garantir a continuidade deste programa. O voceiro provincial socialista, Manuel Martínez, avanzou que a Xunta de Goberno deste venres aprobou un novo convenio mediante o cal a área de Presidencia da institución luguesa concede a dita Fundación 50.000 euros. Pola súa banda, o voceiro provincial do BNG, Mario Outeiro, adiantou que o departamento de Cultura outorgará outros 15.000 euros. O ano pasado, as axudas sumaron 52.000 euros. Isto supón que as achegas do organismo provincial a Preescolar na Casa se incrementen nun 25% este ano.
Martínez explicou que este aumento débese á necesidade de financiamento para a permanencia desta iniciativa logo dos recortes aplicados pola Xunta. E é que a Consellería de Traballo e Benestar decidiu suprimir a subvención de 500.000 euros que todos os anos concedía a Preescolar na Casa. Neste senso, salientou que “dentro das nosas posibilidades e cun orzamento infinitamente inferior ó do Goberno galego, facemos un novo esforzo inversor fronte a unha administración, como a Xunta, que preferíu adicar 400.000 euros á retransmisión das misas pola televisión autonómica que a unha iniciativa única para fomentar a igualdade de oportunidades educativas no rural galego”.
Os recortes do Executivo autonómico obrigaron a paralizar durante meses as prestacións de Preescolar na Casa. A Fundación puido remotar a súa actividade logo de recibir unha axuda do Ministerio de Sanidade con cargo ó IRPF acadada en novembro, “co anterior Goberno Central do PSOE”, remarcou o Deputado, e dotada de 505.000 euros. Na actualidade, funciona con esta subvención, así como coas achegas dende a Deputación de Lugo e, en menor medida, coas concedidas dende os Concellos como, por exemplo, o de Lugo.
Consecuencias da decisión da Xunta
Nembargantes, segundo datos oficiais de Preescolar na Casa non feitos públicos ata o momento, a anulación da subvención por parte da Xunta conlevou recortes no seu servizo. Deste xeito, actualmente, Preescolar na Casa está presente en 195 Concellos galegos, é dicir, no 62% do total, cando antes atendía ó 85%, que representaban 267 municipios. Atende a 6.000 usuarios, familias con nenos de entre 0 a 3 anos. Son 2.000 menos que en 2011. Conta con 32 docentes e 9 funcionarios cedidos pola Xunta. Antes tiña 42 contratados e 13 funcionarios cedidos.
Lugo padeceu en menor medida “a tixeira do PP” pola colaboración da Deputación e as prioridades establecidas por Preescolar na Casa, primando os seus servizos nas zonas con máis dispersión xeográfica e centralizando esforzos na Montaña luguesa. Deste xeito, hoxe atende ó 85% dos municipios lugueses, é dicir, está presente en 57. Anteriormente, cubría case a totalidade, 65 dos 67 Concellos, todos agás Negueira de Muñiz e Ourol debido a ausencia de demanda. Conta con 1.500 usuarios cando, anteriormente, eran 2.000 as familias e nenos. Para elo, desprázanse por 106 puntos de atención distribuidos pola provincia e facilitados polos Concellos, 9 profesionais, 5 menos que en 2011.
Como mostra da importancia de Preescolar na Casa en Lugo, é salientable o feito de que en 20 Concellos lugueses este programa é o único servizo educativo para nenos de entre 0 a 3 anos, que non contan con escolas infantís nos seus municipios. Estes son os seguintes: Alfoz, Baleira, Begonte, Castroverde, O Corgo, Guntín, Muras, As Nogais, Ourol, Paradela, O Páramo, Pedrafita, A Pontenova, Portomarín, Rábade, Ribeira de Piquín, Riotorto, Trabada, Triacastela e Xermade.
Sinalización das Reservas
Manuel Martínez avanzou que a Deputación prosegue coa promoción da riqueza medioambiental dos 29 Concellos que integran as Reservas da Biosfera Terras do Miño e Os Ancares, cun novo proxecto de sinalización, enmarcado no convenio co Ministerio de Medio Ambiente de 1 millón de euros. A Xunta de Goberno aprobou iniciar o proceso de contratación desta iniciativa, dotada de 100.000 euros, cofinanciados nun 70% polo Goberno Central e nun 30% pola institución provincial.
Consiste na colocación de 90 sinais nos puntos de entrada e saída de ditas Reservas da Biosfera, así como naquelas zonas de maior riqueza destes espazos naturais recoñecidos pola Unesco. Por exemplo, no Complexo Húmido da Terra Cha. Para elo, o organsimo provincial xa solicitou tanto ó Ministerio de Fomento como á Consellería de Infraestruturas os permisos pertinentes co fin de levar estas sinais a estradas, non só provincias, senón autonómicas e estatais. O obxectivo, destacou o Deputado, “é marcar todos os accesos, priorizando aquelas zonas que rexistran unha maior densidade de tráfico, levando máis sinais, pero sen facer distincións por cores políticas, tratando a todos por igual, porque é un proxecto que afecta á totalidade dos municipios que compoñen as Reservas da Biosfera que xestiona a Deputación de Lugo”.
Máis recortes do PP
Con esta nova iniciativa, remarcou o voceiro, “seguimos marcando claras distincións coa Xunta de Galicia”, administración responsable da Reserva de Eo-Oscos-Terras de Burón, que afecta a 7 Concellos lugueses que, nin tan sequera, conta co Órgano de Xestión imprescindible para potenciar este espazo natural. “Fronte ós lamentos pola crise do Goberno galego como pretexto para non facer nada, esta institución segue a actuar para xerar riqueza na provincia, reiventándose e buscando alternativas, como este proxecto do Ministerio de Medio Ambiente, dirixido a responsables das Reservas da Biosfera e cuxos fondos, 1 millón de euros, acadamos en 2010, é dicir, co anterior Goberno Central”. Neste senso, adiantou que “seguindo coa política da tixeira do Partido Popular, nin este ano nin en 2013, tal e como xa nos adiantaron, os xestores de Reservas non teremos novos fondos”. E é que o Ministerio de Medio Ambiente non ten prevista convocará estes convenios.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
