A XUNTA REPERCUTIRÁ SOBRE OS RESPONSABLES DE INCIDENTES MARÍTIMOS OS CUSTOS DO SERVIZO DE RESCATE
· A Consellería do Medio Rural e do Mar pretende concienciar a sociedade do risco que entraña a realización de determinadas actividades
· decreto aprobado hoxe prevé un sistema de taxas moi semellante ao que aplica Salvamento Marítimo do Estado ou o Goberno do País Vasco
· En ningún caso se cobrarán as prestacións de servizos de rastrexo e rescate nas situacións de catástrofe ou calamidade pública, así como por razóns de interese xeral e non en beneficio de particulares ou de bens determinados
O Consello da Xunta aprobou hoxe o proxecto de decreto que establece os prezos públicos polos servizos de rescate prestados polo Servizo de Gardacostas da Consellería do Medio Rural e do Mar. A norma prevé un sistema de taxas moi semellante ao que aplica Salvamento Marítimo do Estado ou outras Comunidades Autónomas como o Goberno do País Vasco.
O Goberno galego quere reforzar así a mentalización da cidadanía sobre o risco que entraña a realización de determinadas actividades relacionadas co mundo do mar. Neste sentido, preténdese disuadir as actuacións imprudentes e irresponsables.
A Consellería considera necesario, nun contexto de crise económica como o que nos atopamos, optimizar os recursos públicos e acadar unha mellor e máis eficaz xestión. Cabe destacar que os medios de salvamento supoñen cuantiosos custos para todos os galegos; uns 6 millóns de euros ao ano no caso de rescates por medio aéreos e uns 5 millóns de euros ao ano no caso de operacións por medio de embarcacións.
A maior parte das actuacións corresponden a evacuacións e asistencia a buques estranxeiros ou doutras comunidades autónomas e ata o de agora non existía unha ferramenta normativa a través da cal se puidesen repercutir os custos dos operativos nas aseguradoras ou armadoras dos buques auxiliados.
En ningún caso se cobrarán as prestacións de servizos de rastreo e rescate nas situacións de catástrofe ou calamidade pública, así como por razóns de interese xeral e non en beneficio de particulares ou de bens determinados.
O pagamento polo rescate afectará determinadas actividades recreativas e deportivas que comportan un evidente risco, a prestación de servizos en zonas sinaladas como perigosas, cando se orixine por desatender os avisos de alerta de fenómenos meteorolóxicos adversos e cando se trate de servizos solicitados sen xustificación. Ademais, terán que pagar a nova taxa as persoas rescatadas que non leven o equipamento axeitado para o desenvolvemento da actividade.
En todo caso, estes gastos adoitan estar cubertos polas empresas aseguradoras, polo que os profesionais galegos da pesca quedarían cubertos polo seguro obrigatorio do que deben dispor por lei nas súas embarcacións.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
