O RUMOR DAS ONDAS DA MAREA LARANXA XA SOA NA PRIMEIRA DIVISIÓN
O rumor das ondas da Marea Laranxa, desa fiel afección comprometida e constante, xa soa na Primeira División. Un pequeno gran paso distancia o Burela FS Pescados Rubén da súa ansiada meta, o último asalto co Sala 5 Martorell FS como inimigo, que inaugurará mañá o impoñente Vista Alegre (20.30 horas).
“Esta é a hora da verdade” asegurou o técnico, Julio Delgado, que incidiu no “soño cumprido” do equipo co acceso ao play off e na relevancia de tomar a dianteira nesta última eliminatoria, co incondicional apoio da numerosa familia laranxa. “A afección de Vista Alegre é importante en calquera disputa, pero mañá estou seguro de que nos dará un pouco máis aínda, se é posible” vaticinou Julio Delgado, que se recoñeceu tranquilo e ilusionado polas óptimas condicións do equipo: “Estamos preparados para afrontar con rigor este último asalto. A eliminatoria de Manzanares fíxonos un gran favor moralmente; os xogadores están moi mentalizados das posibilidades e son completamente conscientes da realidade”.
O adestrador burelista destacou a experiencia e o gol como as grandes fortalezas do rival: “O Martorell chegou ata aquí por méritos propios; impúxose ao Xaén en tres citas (5-2, 5-2 e 1-2) cun equipo traballado, compacto e experimentado, que dispón do máximo goleador da categoría, Diego Blanco, onde tamén sobresae Marc Areny”, dixo Julio Delgado, concluíndo “será un partido moi disputado, un grande espectáculo”.
O vestiario laranxa poderá dispoñer dunha maior presenza de Purao, minguado nos últimos encontros por unha lesión de menisco. Pola contra, non contará para mañá co meta Brais, que se resentiu esta semana de antigas molestias; o seu lugar ocuparao Javi Fajardo, do Concello de Trabada FS. Julio Delgado tamén reclamou os xuvenís Keko, Antón e Aarón para o quentamento inicial, coa posibilidade de entrar na convocatoria. O cadro catalán tamén se verá prexudicado nas rotacións, coa ausencia do peche Julio López, sancionado na primeira eliminatoria con catro partidos de suspensión.
O Burela FS viaxará a terras barcelonesas a vindeira semana para superar o último obstáculo que o separa da elite o sábado (18.00 horas), no pavillón municipal de Martorell. No caso de que sexa necesario o desempate, o enfrontamento definitivo disputarase o domingo, a partir das 20.30 horas.
Entradas. Para aqueles inchas que aínda non se fixeran coa súa entrada, Vista Alegre abrirá mañá a venda ás 19.30 horas. As tarifas para os SOCIOS/AS da entidade serán de 3 euros, os NON SOCIOS/AS deberán abonar 10 euros; as entradas de socio tan só se poderán retirar presentando o carné do CD Burela FS 2011-12. Todos os afeccionados/as accederán ao sorteo dun apetitoso surtido de produtos gastronómicos durante o descanso do encontro.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
