O CONCELLO APORTA 36.926 EUROS PARA A REALIZACIÓN DAS ACTIVIDADES DE TARDE NOS CENTROS DE PRIMARIA DA LOCALIDADE. MÓNICA PEDRE AFIRMA QUE “BURELA É UN DOS POUCOS CONCELLOS QUE DESTINA CARTOS PARA ESTE FIN” E QUE ESTA ACHEGA “PERMITE ABRIR OS COLEXIOS PARA CONCILIAR A VIDA LABORAL E FAMILIAR”.
Burela, 9 de maio de 2012. O Concello burelés colabora na realización das actividades que os dous centros de Infantil e Primaria, Virxe do Carme e Vista Alegre, realizan polas tardes para garantir a xornada lectiva única. Mónica Pedre, a concelleira de Educación, dixo que “Burela é un dos poucos concellos que pon cartos para abrir os centros polas tardes”.
O Concello de Burela, segundo a edil de Educación, aporta as actividades de carácter medioambiental que imparten as monitoras da Aula de Educación Ambiental GAIA, así mesmo, organiza actividades de inglés, de técnicas de estudio, e corre cos custos da actividade de piscina escolar.
Mónica Pedre subliñou que “os custos que sufraga o Concello suman 36.926 euros, máis de seis millóns de pesetas anuais, dos que a actividade da piscina absorbe case 22.000 euros. Outros 8.380 euros están destinados ás actividades de inglés e o demais corresponde ás actividades medio ambientais”.
A concelleira de Educación indicou que, ademais, o Concello asume os gastos de electricidade e calefacción que supón ter os dous CEIPs abertos polas tardes, “isto demostra que o equipo de goberno está comprometido coa educación; a nosa aposta é absoluta e evidente”.
Pero a edil popular foi máis aló, e manifestou que “a achega do Concello permite abrir os centros polas tardes para facer posible a conciliación da vida familiar e laboral. Creo que Burela é dous poucos Concellos que asume actividades, e polo tanto gastos, para abrir os centros de infantil e primaria polas tardes”.
De cara ao curso 2012-2013, Mónica Pedre non agarda grandes variacións, “seguiremos apostando polas actividades de tarde nos centros, e polo tanto seguiremos implicados; pode haber algún cambio, pero os centros saben que poden contar con nós”.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
