III Xuntanza Aberta na Mariña.
BURELA, SÁBADO 26 DE MAIO DAS 19:00h ÁS 21:00h
Salón de Conferencias (Antiga Bilioteca), perto da estación do tren.
As Xuntanzas, como xa moitxs saberedes estanse celebrando polos distintos concellos da Mariña co obxectivo de crear entre todas e todos unha Nova Organización Política para Galicia, que teña en conta as necesidades da poboación da comarca e dos seus concellos, e que teña un xeito de funcionar radicalmente diferente aos partidos políticos que actualmente existen e cos que non nos sentimos identificadxs nin representadxs.
Queremos unha Nova organización, de esquerdas e galega no seu sentido máis plural e aberto, que represente os intereses dese 99% que somos a maioría social que traballa para poder gañarse a vida.
Nesta III Xuntanza Aberta na Mariña temos a seguinte orde do día:
1) Presentación dos principios ideolóxicos comúns nos que estamos traballando como proposta para a nova organización política dende a Mariña.
2) Nomeamento dunha Coordenadora Provisional: para organizar a IV Xuntanza Aberta na Mariña (que será unha asemblea constituinte da Nova Organización na Mariña), así como para elaborar os textos polos que se rexerá a nova organización, así como os planos de traballo para a mesma (que tamén terán que debatirse, emendarse e aprobarse na IV Xuntanza para ser válidos).