O CONCELLO PIDE AOS VECIÑOS A TRAVÉS DUN BANDO QUE NON EMPREGUEN BIOCIDAS QUE CONTEÑAN FLUFENOXURÓN PARA FUMIGAR OS SEUS MONTES. ESTE PRODUTO É MOI PERIGOSO PARA A VIDA ACUÁTICA E A UNIÓN EUROPEA NON DESBOTA QUE POIDA TER EFECTOS PERXUDICIAIS PARA A SAÚDE DAS PERSOAS.
Ribadeo, 31 de maio de 2012. O alcalde, Fernando Suárez, ven de asinar un bando informativo dirixido a todos os posuidores de montes que precisen levar a cabo labores de fumigación para que non utilicen o flufenoxurón, dadas as fatais consecuencias que o seu uso pode xerar para o medio ambiente e para a saúde das persoas. Trátase dun principio activo de varios insecticidas que ata o de agora se empregaba para loitar contra as pragas de gurgullo. O equipo de goberno levará unha moción ao vindeiro pleno para abordar este asunto, segundo anunciaba este mediodía o concelleiro de Medio Ambiente, Horacio Cupeiro.
O edil nacionalista explicou que “este asunto se abordou no encontro que mantivemos o pasado venres. O flufenoxurón estáse a utilizar para as fumigacións nos eucaliptos contra o gurgullo. A xuntanza foi moi entretenida, había veterinarios, enxeñeiros agrícolas, todos especialmente preocupados polo que está a suceder. Todos sabemos que a Xunta está a ofrecer fumigar gratuitamente os montes e os propietarios poden darlles autorización para que así o fagan”. Horacio Cupeiro dixo que “o regulamento de execución 942/2011 da Unión Europea determinou a non aprobación desta substancia activa, o flufenoxurón, o que supón na práctica e en resumo que os bioidas que a conteñan quedarán sen autorización a partires do 1 de agosto de 2012”.
O concelleiro de Medio Ambiente indicou que “o flufenoxurón é un biocida de baixa degradabilidade e moi perigoso para a vida acuática; pode matar insectos, non só o gurgullo, senón tamén as abellas e calquera que inxira algo que estea pulverizado con esta substancia, dado que é un insecticida xenérico”. Horacio Cupeiro relatou que “eu levo tempo falando con técnicos e con persoas autorizadas na materia para poder saber que é o que hai detrás de todo isto. Cando un sabe que este produto pode ser nocivo para a vida acuática ou incluso para a saúde das persoas debe tomar precaucións”.
O equipo de goberno levará ao vindeiro pleno unha moción para abordar este asunto “e ao mesmo tempo sacamos un bando para que os veciños saiban de qué se trata. Nós pregámoslles aos posuidores dos montes que precisen levar a cabo labores de fumigación que non utilicen estes produtos desde xa mesmo, dadas as fatais consecuencias que o seu uso pode xerar para o medio ambiente e para a saúde das persoas”. Cupeiro manifestou que “empregar este produto non é a solución, será mellor cortar desde xa este tipo de pulverizacións dadas as dúbidas que ten a Unión Europea de que realmente isto pode ser nocivo para as especies acuáticas e non se sabe si para o resto, deixemos polo tanto de empregar xa o flufenoxurón”.
BANDO
DON FERNANDO SUÁREZ BARCIA, ALCALDE-PRESIDENTE
DO EXCMO. CONCELLO DE RIBADEO
FAI SABER
– Que o Regulamento de Execución número 942/2011 da Comisión Europea, de 22 de setembro de 2011, determinou a non aprobación da substancia activa flufenoxurón o que supón, na práctica e en resumo, que os biocidas que conteñan dita substancia quedarán sen autorización ó longo deste ano e que ademais deixaranse de comercializar a partir do 1 de agosto de 2012.
– Que o flufenoxurón (principio activo dos insecticidas Cascade de Basf, Distant de Trade Corp ou Kimlux de Sapec), e que ata agora se utilizaba para loitar contra as pragas de gurgullo nos nosos montes:
– É un biocida de baixa degradabilidade e moi perigoso para a vida acuática.
– Pode matar insectos, non só o gurgullo senón tamén as abellas e calquera que inxira algo que estea pulverizado con esta substancia, dado que é un insecticida xenérico. Mesmo pode afectar ós paxaros de forma indirecta.
-A Unión Europea non desbotou que este produto puidera ter efectos prexudiciais para a saúde das persoas.
E por iso, apelando á necesaria concienciación cidadá e ó respecto e solidariedade que cómpre ter tanto co medio ambiente como cos nosos veciños prégase ós posuidores de montes que non fagan uso deste biocida censurado pola Unión Europea, debido á confirmación dos danos que o seu uso causa no medio ambiente e das dúbidas sobre os que podería xerar noutros animais e mesmo para a saúde humana, ó que se suma o feito de que incluso coa súa aplicación non se acabaría coas pragas de gurgullo.
O que se fai público para xeral coñecemento.
Ribadeo, 31 de maio de 2012.
O ALCALDE,
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
