O BNG BARREIRENSE CONSIDERA QUE O PP ESTÁ TENTANDO TAPAR AS CARENCIAS E A IRRESPONSABILIDADE POLÍTICA DA XUNTA CO SERVIZO DE AXUDA NO FOGAR. OS NACIONALISTAS DEFINEN AO ALCALDE COMA UN ESPECIALISTA EN VENDER CORTINAS DE FUME E EN DESVIAR A ATENCIÓN PARA FACER VER QUE A CULPA DOS RECORTES REALIZADOS É DA DEPUTACIÓN PROVINCIAL DE LUGO. ANA ERMIDA SUBLIÑA QUE É A XUNTA A QUE NON CUMPRE COS VECIÑOS.
Barreiros, 31 de mayo de 2012. O BNG asegura que o PP non pode pretender tapar as carencias e a irresponsabilidade política da Xunta co servizo de axuda no fogar. Os nacionalistas din que o alcalde, Alfonso Fuente, é un especialista en vender cortinas de fume e en desviar a atención facendo ver que a culpa dos recortes realizados é doutras institucións coma a Deputación Provincial de Lugo.
Os nacionalistas convidan ás veciñas e aos veciños a asistir ao acto informativo que terá lugar mañá venres ás 20:30 horas no centro sociocultural de San Cosme. Ana Ermida sinala que “é un acto público no que contaremos coa presenza de Montse Porteiro, que é ats no Hospital da Costa, e tamén de Carlos Fraga, que é un coñecido médico barreirense, para falar principalmente dos recortes que está a levar a cabo o goberno do Estado coa complicidade da Xunta en materia sanitaria e social. Uns recortes que tamén lle afectan a Barreiros como parte do estado que recibe cartos ou fondos dos gobernos do Estado e da Xunta, por moito que o alcalde de Barreiros pretenda tapar eses recortes dicindo que non existen”. A portavoz do BNG insiste en que “os recortes da Xunta aféctanlle a Barreiros e Alfonso Fuente é un perfecto especialista en vender cortinas de fume, darlles voltas aos argumentos e desviar a atención botando balóns fora pretendendo facer ver que a responsabilidade é doutras institucións”.
Ermida explica que “no pleno de onte na moción que presentou o BNG para instar á Xunta a que manteña os fondos no servizo de axuda no fogar Alfonso Fuente pretendía incluir unha enmenda descargando esa responsabilidade na Deputación Provincial de Lugo e instando ao compañeiro Antonio Veiga, do que depende a Área de Benestar, a que asuman ese recorte que fai a Xunta. O BNG non pode asumir iso, a Deputación asume o que lle corresponde, de feito é a única institución que ten incrementado fondos para o servizo de axuda no fogar e o que non se pode facer é pretender que as carencias e a irresponsabilidade política da Xunta as teña que tapar outra institución”. Desde o BNG barreirense din que “parece que desde o goberno do PP de Barreiros se pretende que todo o asuma a Deputación Provincial, os socorristas ten que pagalos a Deputación Provincial, os bombeiros tenos que pagar a Deputación, o servizo de axuda no fogar ten que pagalo a Deputación… parace que pensan que nesta institución hai un maquinillo de facer cartos. O que non se pode facer é pretender levar adiante as súas promesas e os seus compromisos a costa das veciñas e dos veciños”. Para Ana Ermida “o que da a entender o PP nos diferentes gobernos nos que está é que non lle importa a xente, fai os recortes que afectan á maioría da sociedade, mentras non ten ningún problema en meter diñeiro público nos bancos”.
Co acto de mañá o que quere o BNG “é informar ás veciñas e aos veciños do que está a suceder, dos costes que teñen este tipo de políticas na nosa vida e cada un que valore o que vexa oportuno. O que non nos vale é que se trate de desviar a atención con argumentos completamente demagóxicos, porque aquí quen está incumprindo coas veciñas e cos veciños é a Xunta e non a Deputación Provincial de Lugo”.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
