Jose Manuel Balseiro sinala que socialistas e nacionalistas terán a oportunidade de rectificar no Pleno cando o PP someta á consideración do Parlamento a proposta de ditame remitida pola Consellería do Medio Rural e do Mar
O GRUPO POPULAR LAMENTA QUE PSOE E BNG PRETENDAN ENGANAR AO SECTOR E BOICOTEEN A NECESARIA UNIDADE ANTE A REFORMA DA POLÍTICA PESQUEIRA COMÚN
Acusa á oposición de non estar á altura ante un debate importantísimo para o futuro do sector marítimo-pesqueiro e de agochar con mentiras a súa nula vontade de acordo
“O Goberno e o Partido Popular aquí levan a iniciativa e están a actuar dun xeito responsable, pero o problema radica en que, por unha cuestión de protagonismo, PSOE e BNG non poden aceptalo”, explica Balseiro
Santiago, 31 de maio de 2012.- O voceiro do Mar do Grupo Parlamentario Popular, Jose Manuel Balseiro, lamentou que PSOE e BNG “intenten enganar ao sector coa súa actitude destrutiva e boicoteen a necesaria unidade e a posibilidade de traballar xuntos a favor do sector pesqueiro diante da futura reforma da política pesqueira común, todo iso a pesar da importancia que este debate ten para Galicia”.
Os populares consideran que socialistas e nacionalistas “non estiveron á altura do que deberan ser uns representantes do pobo e os primeiros defensores dos intereses de Galicia e da súa pesca, marisqueo e acuicultura” e, pola contra, “disfrazan con falsos pretextos formais e mentiras a súa nula vontade de chegar a un consenso”.
POSIBILIDADE DE RECTIFICAR
Con todo, Jose Manuel Balseiro sinala que as forzas da oposición terán a oportunidade de rectificar este comportamento “errado e irresponsable” no Pleno cando o Grupo Popular someta á consideración do Parlamento de Galicia a proposta de ditame remitida pola Consellería do Medio Rural e do Mar ao respecto da reforma da Política Pesqueira Común.
Balseiro explica que o PP se ve obrigado a levar esta iniciativa ao Pleno do Parlamento “porque eles non estaban dispostos a traela” e anotou que “nós consideramos fundamental dar unha resposta ante a reforma da política pesqueira comunitaria e non podemos renunciar a defender, sen máis demora, nin obstáculos, os intereses do sector pesqueiro galego”
FALSOS PRETEXTOS
En relación coa polémica xurdida respecto desta proposta de ditame, Jose Manuel Balseiro considera que tanto PSOE como BNG pretenden buscar “un falso pretexto, unha escusa, nun intento desesperado por disimular ante o sector e agochar con mentiras a súa nula vontade de acordo”.
Neste sentido, lembra que (como xa adiantou a propia Consellería do Medio Rural e do Mar no día de onte) a proposta de ditame rexistrada no Parlamento (coa corrección de erros correspondente no seu título) dirixida a súa presidenta, Pilar Rojo, estaba acompañada dunha carta, asinada pola conselleira Rosa Quintana, na que indicaba de xeito explícito que non foi posible o acordo das forzas políticas ao respecto deste texto e que o documento adxunto correspondíase coa última versión sometida a debate no grupo de traballo entre os grupos parlamentarios.
Balseiro recorda, ademais, que a constitución deste grupo de traballo foi consensuada na Cámara galega despois de que PSOE e BNG aceptaran unha emenda do PP que pedía precisamente crear este espazo de diálogo. Balseiro releva que, fronte a unha actitude do PSOE que, “sobre todo nun primeiro momento, foi de absoluta colaboración e diálogo, todo hai que recoñecelo, atopámonos coa intransixencia do BNG.”
“O Goberno e o Partido Popular aquí levan a iniciativa e están a actuar dun xeito responsable, pero o problema radica que, por unha cuestión de protagonismo, nin PSOE nin BNG poden aceptalo”, conclúe Balseiro.
Á CONSIDERACIÓN DO CONSELLO GALEGO DE PESCA
De prosperar a iniciativa parlamentaria que o Grupo Popular levará ao Pleno do Parlamento, a Cámara asumiría como propia a proposta de ditame diante da reforma da política pesqueira común.
Inmediatamente despois, tal e como se tiña previsto no primeiro acordo parlamentario adoptado, o Grupo Popular pide que se lle dea traslado deste texto ao Consello Galego de Pesca (máximo órgano consultivo da Consellería e no que está representado todo o sector marítimo-pesqueiro galego) para que faga as súas propostas, enriquezan o ditame final nos aspectos que estimen convenientes e eleven a definitivo unha proposta de país, de Galicia, para que teñan coñecemento dela na Comisión Europea e sometan a debate as súas suxestións.
Desde o Grupo Popular defendense, entre outras cuestións, o necesario equilibrio dos aspectos social, económico e da sustentabilidade ambiental nos aspectos que recolla a futura normativa; a flexibilización do obxectivo de Rendemento Máximo Sostible; a articulación de medidas de axuda e apoio nas políticas de minoración de descartes; a introdución das concesións de pesca transferibles (salvo para a pesca artesanal); a derrogación da estabilidade relativa; o reforzo do papel dos Consellos Consultivos Rexionais; a mellora do fondo europeo de pesca e da estrutura de mercados pesqueiros; e a identificación e recoñecemento das especificidades da flota costeira artesanal e do marisqueo galego.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
