Kenneth Illusionist será o encargado de pechar esta noite a programación coa proposta ‘Degustación de imposibles’
Cariño, 8 de agosto, 2026. A XLVIII Mostra de Teatro Galego de Cariño encara hoxe, sábado 8 de agosto, a súa recta final cunha dobre proposta na Praza da Pulida que combina circo, humor, habilidade, maxia e ilusión. Tras a celebración esta mañá do espectáculo ‘Enredos’, da Compañía A Vela Circo, a programación da Mostra chegará esta noite ao seu punto final coa actuación de Kenneth Illusionist.
A primeira cita da xornada, celebrada ás 13:00 horas, levou á Praza da Pulida o espectáculo ‘Enredos’, da Compañía A Vela Circo, unha proposta para todos os públicos na que unha vella fábrica se converteu no escenario de aventuras e situacións inesperadas. A montaxe combinou circo, humor, habilidade e imaxinación nunha proposta pensada especialmente para desfrutar en familia.
A programación da última xornada continuará esta noite, ás 22:00 horas, coa actuación ‘Degustación de imposibles’, de Kenneth Illusionist. A maxia e a ilusión serán as protagonistas desta última proposta da XLVIII Mostra, tamén de balde e dirixida a todos os públicos, que poñerá o punto final a unha semana de programación escénica.
A alcaldesa de Cariño, Ana María López, destacou que “a Mostra volve demostrar a súa capacidade para achegar a cultura á rúa e converter Cariño durante estes días nun punto de encontro para as artes escénicas”. Neste sentido, sinalou que “apostar por unha programación diversa, de calidade e accesible para todos os públicos é tamén unha forma de facer concello e de dinamizar a vida social e económica de Cariño”.
Pola súa banda, o concelleiro de Cultura, Andrés Balado, puxo en valor que “esta edición volve apostar por levar o teatro e as artes escénicas a diferentes espazos e por ofrecer propostas para públicos moi diversos”. O responsable municipal animou á veciñanza e ás persoas que se acheguen a Cariño a “desfrutar desta última actuación, con maxia, ilusión e unha proposta para todos os públicos que nos permitirá despedir a Mostra cunha gran festa cultural”.
A XLVIII Mostra de Teatro Galego de Cariño afronta así a súa última cita desta edición coa proposta de Kenneth Illusionist, mantendo a súa aposta por unha programación diversa na que o teatro e as diferentes disciplinas escénicas volven ser protagonistas da actividade cultural do municipio.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
