O BNG REXEITA FRONTALMENTE OS PLANS DO GOBERNO PARA ESTABELECER UNHA PEAXE NAS AUTOVÍAS ESTATAIS
Antonio Veiga afirma que “impoñer unha peaxe nas autovías implicará unha carga de impostos maior á cidadanía e unha redución da competitividade dos sectores produtivos e a actividade económica na Mariña”
En Galiza, as dúas arterias principais A-6 e A-8 suman máis de 500 km de vías de titularidade estatal que se verían afectadas
Lugo, 3 de maio de 2012. Esta mañá, o grupo provincial do BNG, do que fai parte o deputado e vicepresidente da Deputación de Lugo, Antonio Veiga, quixo manifestar a súa “preocupación” e expresar o seu “máis absoluto rexeitamento” aos plans gobernativos previstos para o consello de ministros de mañá co que pretenden estabelecer unha peaxe en todas as autovías de titularidade estatal. Segundo explicou Antonio Veiga, “en Galiza, as dúas arterias principais, a A-6 e a A-8, suman máis de 500 km de vías de titularidade estatal, unha boa parte deles sobre todo da Transcantábrica que transcorren pola Mariña, que se verían afectadas por este novo imposto”.
Para Antonio Veiga, “se hai unha área do territorio afectada por esta decisión, esa é Lugo, dado que as dúas principais vías tanto de vertebración interna como de conexión cara o exterior son a A-6 e a A-8, as dúas autovías públicas de titularidade estatal, polo que impoñer unha peaxe nas autovías implicará, para empezar, unha carga de impostos maior á cidadanía, e ademais unha redución da competitividade dos nosos sectores produtivos e da actividade económica na provincia”. Afondando nas consecuencias que terá adopción da medida de instaurar un imposto de peaxe nas autovías públicas para a comarca da Mariña, Veiga sinalou que “afectará claramente aos nosos sectores produtivos, como por exemplo, o transporte do peixe dos portos de Celeiro e Burela, posto que toda a súa viaxe a realiza por autovía (A-6 ou A-8, segundo o destino sexa norte ou sur-meseta), e hai que darse conta que o sector pesqueiro o sétimo sector económico en importancia en Lugo. Ou, na mesma liña, lembremos o caso da alúmina, xa que para o material chegar ás plantas de transformación de aluminio primario o transporte realízase a través da A-6 e A-8, e atendendo ás cifras hai que destacar que é o primeiro sector en importancia por volume de negocio na provincia”.
Ante isto, Antonio Veiga afirmou que “o noso grupo do BNG non pode amosar máis que o absoluto rexeitamento a esta medida inxusta e que golpea directamente, ademais da cidadanía, ao sector do transporte, que xa se vira duramente agravado pola crise e o descenso da actividade económica, e especialmente pola suba de carburantes, e no que existen moitos empregados autónomos sobre os que está a repercutir especialmente a grave situación económica e os recortes nas prestacións e nos servizos sociais que impón o goberno do PP”.
Por último, “hai que ter en conta que esta decisión de estabelecer un peaxe nas autovías públicas vai ter unha repercusión negativa no sector do turismo, moi importante e estratéxico para Lugo, xa que nos separa dos nosos potenciais turistas maioritarios por estrada, que lembremos que son os procedentes do País Vasco e de Madrid” – indicou Antonio Veiga.
Remitido
As fotografías empregadas serán de uso interno e non se publicarán nin compartirán en redes sociais nin en internet. A actividade está aberta tamén a nenos e nenas doutros concellos.
Ademais da intervención arqueolóxica de 2026, o Concello achega 7.500 euros para restaurar a cabaña C-2, lembrando que “Seguimos apostando por el patrimonio arqueológico y el desarrollo arqueológico del concejo”. Tamén se mellorou o acceso ao xacemento, e o castro consolídase como un recurso turístico en crecemento, clave para avanzar na desestacionalización.
Entre as 10:00 e as 14:00 horas haberá arredor dunha decena de postos con produtos agroecolóxicos e de proximidade, ademais dun punto informativo para persoas interesadas en emprender no sector e actividades infantís. A alcaldesa Marta Rouco destaca que a feira busca dar vida ao centro da vila e visibilizar o rural como espazo de emprendemento, mentres que a concelleira Paula Vigo salienta a colaboración con A Estruga para ampliar a oferta habitual do mercado. O Concello anima á veciñanza a achegarse e coñecer os proxectos participantes.
Nesta ocasión, o grupo desprazouse ata A Pontenova para realizar un percorrido de 17 quilómetros que combinou a Ruta dos Fornos, a Ruta do Ferrocarril e a Ruta do Muiñeiro Namorado. A actividade, de dificultade baixa, iniciou o seu percorrido na Praza dos Fornos da Pontenova e rematou en San Tirso de Abres.
A programación do último trimestre inclúe Maiores con Arte, Moito máis que café, Entre risas e animación domiciliaria. Tras os obradoiros iniciados en maio, o Concello mantén o contacto cos participantes e leva as propostas ás asociacións para facilitar novas incorporacións. Na presentación explicaranse as formas de participación e os servizos dispoñibles. O programa conta co apoio da Consellería de Dereitos Sociais e Benestar do Principado de Asturias.
O paseo comezará ás 20:00 h na rúa San Francisco, ao pé da igrexa, para continuar pola Praza de Abaixo e a rúa Antonio Otero, até chegar á Praza do Patín, xunto á Biblioteca Municipal El Viejo Pancho. Alí, ás 20:30 h, dará comezo a presentación da obra. A organización lembra con afecto as anteriores visitas de Souto a Ribadeo e confía en que, unha vez máis, se vivirá unha tarde especial guiada polo enxeño creativo do coruñés de Monte Alto, galego universal que levou as nosas letras polo Mar de Irlanda e polas corredoiras máis recónditas do país. A actividade está organizada pola A.C. Francisco Lanza.
O espectáculo participativo A verbena de antes -con O Xeito e Airiños da Freba-, ao mediodía, e unha mostra etnográfica e as actuacións de Amado Lar e A Volta do Agro, pola tarde, protagonizaron o último día das Xornadas, pensadas como un punto de encontro da cultural tradicional galega,e especialmente da comarca da Mariña.
