O BURELA FS BUSCARÁ ROMPER AS ESTATÍSTICAS E SENTENCIAR A ELIMINATORIA EN MANZANARES
O Burela FS Pescados Rubén xa está en terras castelás na busca dunha sentenza exprés da primeira eliminatoria de play off e co firme propósito de romper as estatísticas de imbatibilidade do Manzanares na casa. O segundo cara a cara entre manchegos e galegos comezará mañá ás 20.45 horas, no municipal, coa importantísima baza do 3-1 da semana pasada en Vista Alegre para os laranxas.
Os números ligueiros en Manzanares poden provocar auténtica vertixe: 43 puntos sobre 45 posibles, con 14 triunfos e 1 empate, do Playas de Castellón. No entanto, para o técnico Julio Delgado isto non debe ser preocupante: “As sensacións do grupo son óptimas e as estatísticas están para romper. Nestes momentos, nós posuímos a vantaxe no marcador, que se completa co bo recordo do partido de liga; os pequenos detalles provocaron que o resultado non nos acompañara (3-2) e diso foi moi consciente o Manzanares, coas demostracións de euforia ao soar a bucina”.
Segundo expuso o adestrador laranxa, “intentaremos manter a filosofía do primeiro encontro, traballando moito o balón e provocando a incomodidade do rival”. “É certo que tamén teremos que pelexar contra unha pista moi lenta, que prexudicará a fluidez de circulación e favorecerá a defensa do Manzanares, pero non creo que sexa un factor determinante; para iso xa adestramos hoxe e tamén o faremos mañá en Valdepeñas, nunha superficie similar”, explicou Julio Delgado.
Outro dos hándicaps para os galegos residirá na afección rival: “É un público que aperta moito; estamos mentalizados de que terán o ambiente da bancada a favor, aínda que a nós tamén nos pode motivar. Prefiro unha afección en contra que un pavillón baleiro” sentenciou Julio, que depositou no Manzanares toda a ansiedade: “O rival xógase todo mañá. A realidade di que a presión é para o que quedou segundo clasificado e puxo contra as cordas no ascenso o Oxipharma. O Burela FS, pola contra, pode dosificar e marcar os tempos porque aínda ten marxe de rectificación“ concluíu o técnico mariñán.
Julio Delgado disporá dos mesmos efectivos ca en Vista Alegre, co xuvenil Keko e coa posibilidade de incrementar a importante presenza de Purao nas rotacións. O equipo manchego, pola súa banda, recupera a Zamo para este encontro tras cumprir un partido de sanción pola vermella que viu fronte a Gáldar, un xogador no que o propio vestiario ten depositada moita da súa confianza para bater a férrea defensa do Burela FS. Segundo a información facilitada polo Manzanares FS, Maka e Marcos, que entrenaron toda a semana con normalidade, tamén serán da partida e a única dúbida será Teto, que arrastra molestias e que fará unha proba no quentamento para ver se finalmente entra na convocatoria.
No caso de que haxa que recorrer ao desempate, o terceiro encontro da eliminatoria será o domingo, ás 19.30 horas.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
