O Concello presenta a programación do Maio Cultural que comeza esta fin de semana
-O programa inclúe música, teatro, cine e lírica; e aposta pola cultura de produción local e comarcal
Cervo, 4 de maio de 2012-O Concello de Cervo deu a coñecer as actividades e iniciativas culturais programadas para este mes. O Maio Cultural inclúe un bo número de actos e eventos de temática variada e de distintas vertentes do arte, dende a música, o teatro, a lírica ou o cine, que se desenvolverá durante as fins de semana do mes de maio e terá como escenario o Auditorio da Casa da Cultura de San Ciprián.
O Maio Cultural arrincará este sábado, ás 21:00 horas, coa actuación musical de Anaís Anidos Molina, unha rapaza de San Ciprián de 8 anos de idade. Entre os temas que interpretará atópase unha canción dedicada aos avós e ás avoas. Acto seguido será a quenda da Coral Terramar, de San Ciprián; e ao remate proxectarase a curta “Focegos por amor” de Francisco Piñeiro, unha historia de amor tráxica entre dous mozos que atopan numerosos atrancos para vivir a súa relación nunha época convulsa.
O programa continúa o venres 11 de maio ás 20:00 horas, un día no que predominarán a música e a lírica. O primeiro en actuar será o coro do Conservatorio de Viveiro, seguido do grupo de corda do mesmo centro. Os actos para este día rematarán cunha homenaxe a Celso Emilio Ferreiro consistente nunha lectura pública dos seus poemas para conmemorar o centenario do nacemento do escritor
O sábado 19 de maio o protagonismo será para o teatro, coa representación ás 20:30 horas da obra “Fume de carozo”, da agrupación O Bordelo de Cervo. O programa pecharase o 26 de maio, ás 20:30 horas, coa obra “Nécoras verdes” posta en escena pola agrupación teatral Ardora.
Esta programación cultural coincide coa celebración neste mes de maio do Día das Letras Galegas, unha data “que quixemos conmemorar cunha programación especial que inclúe actividades durante todo o mes” explica a edil de Cultura, Tania González. A concelleira destacou ademais “a marcada presenza local e mariñá” no programa “co obxectivo de potenciar a cultura feita pola nosa veciñanza con esforzo e dedicación e así darlles un espazo onde amosar o seu traballo” remata González.
Neste espazo radiofónico Félix Jorquera falou coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá. Por diante queda toda unha fin de semana chea de actividades arredor da faba de Lourenzá. Os organizadores animan a acudir a esta cita.
Os asistentes puideron coñecer de preto unha particular viaxe que parte de Ribadeo e percorre Galicia en 37 etapas bordeándoa e combinando ciclismo, patrimonio, cultura e paisaxe. Jorge Justo estivo acompañado polo alcalde de Ribadeo, Dani Vega, e por Pablo Mosquera, ex director do Hospital da Costa (agora Hospital Público da Mariña).
Unha peza de teatro físico e manipulación de obxectos para público infantil e familiar que aborda a meta máis soñada polo ser humano: voar sen ás. Venda de entradas: no teléfono 982560162, en horario, de 9 a 14,00 horas, ou no correo electrónico cultura@viveiro.gal ou na taquilla unha hora antes da función. A cita será ás 18h.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Neste curso a actividade estará dispoñible para as nosas pequenas Xoias e para alumnado externo, cunha sesión semanal, a cargo de Yasmin Toledo e Patrícia Sousa, do equipo de Segunda División. O alumnado poderá escoller o seu horario de adestramento entre os luns (16:00 h.-17:00 h., Vista Alegre) e os venres (19:30 h.-20:30 h., Monte Castelo). A actividade terá un custo de 6€/mes para o alumnado da escola laranxa e 24€/mes para o alumnado externo.
Un particular informou minutos despois das 11 horas deste xoves dun camión que transportaba formigón envorcado no quilómetro 68 da N-640, á altura da parroquia de Ramil (Castro de Rei). Segundo explicou o mesmo alertador, o condutor permanecía no interior da cabina e outros dous turismos estaban implicados no accidente. De inmediato, desde o Centro Integrado de Atención ás Emerxencias solicitouse a acción de Urxencias Sanitarias de Galicia-061, da Garda Civil de Tráfico, dos Bombeiros de Vilalba e dos servizos de mantemento da estrada. Os bombeiros confirmaron que non tiveron que excarcerar, pois a persoa estaba xa fóra do vehículo cando chegaron ao punto. Así, colaboraron na limpeza da vía cos servizos de mantemento da estrada.
Ademais da intervención arqueolóxica de 2026, o Concello achega 7.500 euros para restaurar a cabaña C-2, lembrando que “Seguimos apostando por el patrimonio arqueológico y el desarrollo arqueológico del concejo”. Tamén se mellorou o acceso ao xacemento, e o castro consolídase como un recurso turístico en crecemento, clave para avanzar na desestacionalización.
