“É un feito inaudito que o Goberno provincial estea a amosarse abertamente disposto a incumprir unha lei vixente e aprobada no 2008 por PSOE e BNG”- asegura a portavoz popular
Candia insta a Besteiro a cumprir a lei de Servizos Sociais aprobada polo bipartito e a consignar o diñeiro que lle corresponde á Deputación para financiar a axuda no fogar
A norma legal vixente outorga competencias distintas as administracións: Mentres a Xunta financiará con ao redor de 7 millóns de euros os servizos da axuda no fogar dos concellos a Deputación debería facelo os 1,2 millóns de euros restantes
A voceira popular fai un chamamento ao presidente da Deputación para que rectifique a estratexia de confrontación mediática coa Xunta e acudan ás reunións coa Consellería de Traballo
Lugo, 8 de maio de 2012.- A voceira do Grupo Popular na Deputación de Lugo, Elena Candia, instou hoxe ao Presidente da Deputación, José Ramón Gómez Besteiro, a cumprir a lei de servizos sociais aprobada polo bipartito (PSOE e BNG) e, en consecuencia, a que dea as instrucións oportunas para que o ente provincial consigne -de xeito inmediato e en cantidade suficiente- o orzamento necesario para financiar a parte que lle corresponde dos servizos municipais de axuda no fogar.
A voceira popular puxo de relevo que o feito de que a Deputación fixera público a súa intención de impugnar a normativa autonómica de Servizos Sociais ante os tribunais, demostra que o propio Goberno provincial recoñece que a normativa vixente obriga á Deputación de Lugo a asumir este compromiso e insistiu en cualificar como inaudito que unha administración pública se estea a amosar abertamente disposta a incumprir a lei, e sobre todo, unha lei que eles mesmos aprobaron. Candia lembrou que é precisamente este texto legal do ano 2008 quen outorga as competencias a unha e outra administración.
A XUNTA FINANCIA MÁIS DO 90% DO CUSTE TOTAL
A voceira provincial tamén quixo insistir en que a normativa vixente establece un grado de compromiso moi diferente entre o diñeiro que tería que achegar a Deputación e a Xunta. “E pese a iso o señor Besteiro négase a axudar aos concellos e ás persoas maiores lucenses”. Mentres a Xunta por lei ten que asumir máis do 90% do gasto para financiar o servizo da axuda no fogar na provincia, achegando ao redor de 7 millóns de euros, a Deputación tan só debería facelo consignando 1,2 millóns de euros restantes, unha cantidade sensiblemente inferior pero, malia a todo, que o Goberno bipartito non está disposto a cumprir.
CONFLICTO MEDIÁTICO VS DIÁLOGO
Por outra banda lamentou que a estratexia do Goberno provincial sexa a de xerar un conflito mediático coa Xunta en vez de sentarse a dialogar coa administración autonómica. Neste senso lembrou as reiteradas negativas do vicepresidente provincial a asistir ás reunións ás que se lle citou desde a Consellería de Traballo e Benestar. “Ata en catro ocasións non se presentou nin el, nin ningún outro membro do Goberno”.
Candia fixo un chamamento a Gómez Besteiro para que “rectifique o errado proceder do seu Goberno e desautorice este comportamento de confrontación”, asumindo que en todo caso os problemas e cuestións que deban discutirse “deben facerse nos despachos, acudindo ás citas e falando coa Xunta”. De non actuar deste xeito “Gómez Besteiro estaría a antepoñer unha vez máis os intereses partidistas ao benestar dos lucenses”
Candia remata facéndose unha pregunta, que na súa opinión planea sobre toda esta polémica: “¿Gómez Besteiro pagará ou non aos concellos a parte que lle corresponde por lei para financiar os servizos de axuda no fogar? ¿A Deputación deixará ou non desamparados aos maiores lucenses? A Xunta si cumprirá co que lle corresponde.”- remata asegurando a portavoz provincial do Grupo Popular.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
