ANTONIO VEIGA PARTICIPOU NA PRESENTACIÓN DA V VOLTA ÁS COMARCAS DE LUGO
Esta proba ciclista disputarase en tres etapas os días 1, 2 e 3 de xuño, e nela participarán 16 equipos de ámbito nacional, estatal e internacional
O vicepresidente da Deputación indicou que “seguimos traballando para descentralizar a práctica e a organización de determinados eventos deportivos, un feito que suporá un forte impulso socioeconómico para as zonas nas se poñan en marcha este tipo de iniciativas”
A Pobra do Brollón, 24 de maio de 2012. O vicepresidente da Deputación e responsábel das Áreas de Benestar Social e Deporte, o nacionalista Antonio Veiga, presentou esta mañá na área recreativa de Pobra do Brollón, a V Volta ás comarcas de Lugo, proba ciclista organizada pola Área de Deporte e polo Club ciclista Cidade de Lugo. No acto de presentación tamén estiveron Xosé Lois Maceda, alcalde da Pobra do Brollón; Juan Paz, vicepresidente do club ciclista Cidade de Lugo; e Santiago Seijas, director técnico desta cita deportiva.
A V Volta ás Comarcas, na que participan 16 equipos de ámbito nacional, estatal e internacional, desenvolverase os días 1, 2 e 3 de xuño en tres etapas distintas. A primeira etapa terá lugar na zona centro da provincia, e subdivídese en dous sectores: un primeiro con saída e chegada no Corgo, e un segundo con saída e chegada en Lugo, pasando polos concellos de Abadín, Cospeito, Rábade, Castro e Outeiro de Rei; a segunda etapa será na zona Sur, con saída e chegada na Pobra do Brollón, pasando polos concellos de Bóveda, Escairón, Chantada, Monforte de Lemos, Monterroso e Taboada; e a terceira terá lugar na Mariña, con saída e chegada en Viveiro, pasando polos concellos de Alfoz, Cervo, O Valadouro, Ourol, Viveiro e Xove
Antonio Veiga auguroulle un prometedor futuro a este campionato logo do “gran éxito acadado en pasadas edicións e que, de seguro, se repetirá este ano”. Nesta liña, o vicepresidente da Deputación de Lugo lembrou que un dos obxectivos da Área de Deportes desta entidade é o de “fomentar a práctica do deporte, sexa cal sexa a súa disciplina, en todas e cada unha das comarcas lucenses”. Así, o nacionalista resaltou que “seguimos traballando para descentralizar a práctica e a organización de determinados eventos deportivos, un feito que suporá un forte impulso socioeconómico para as zonas nas se poñan en marcha este tipo de iniciativas”.
Neste espazo radiofónico Félix Jorquera falou coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá. Por diante queda toda unha fin de semana chea de actividades arredor da faba de Lourenzá. Os organizadores animan a acudir a esta cita.
Os asistentes puideron coñecer de preto unha particular viaxe que parte de Ribadeo e percorre Galicia en 37 etapas bordeándoa e combinando ciclismo, patrimonio, cultura e paisaxe. Jorge Justo estivo acompañado polo alcalde de Ribadeo, Dani Vega, e por Pablo Mosquera, ex director do Hospital da Costa (agora Hospital Público da Mariña).
Unha peza de teatro físico e manipulación de obxectos para público infantil e familiar que aborda a meta máis soñada polo ser humano: voar sen ás. Venda de entradas: no teléfono 982560162, en horario, de 9 a 14,00 horas, ou no correo electrónico cultura@viveiro.gal ou na taquilla unha hora antes da función. A cita será ás 18h.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Neste curso a actividade estará dispoñible para as nosas pequenas Xoias e para alumnado externo, cunha sesión semanal, a cargo de Yasmin Toledo e Patrícia Sousa, do equipo de Segunda División. O alumnado poderá escoller o seu horario de adestramento entre os luns (16:00 h.-17:00 h., Vista Alegre) e os venres (19:30 h.-20:30 h., Monte Castelo). A actividade terá un custo de 6€/mes para o alumnado da escola laranxa e 24€/mes para o alumnado externo.
Un particular informou minutos despois das 11 horas deste xoves dun camión que transportaba formigón envorcado no quilómetro 68 da N-640, á altura da parroquia de Ramil (Castro de Rei). Segundo explicou o mesmo alertador, o condutor permanecía no interior da cabina e outros dous turismos estaban implicados no accidente. De inmediato, desde o Centro Integrado de Atención ás Emerxencias solicitouse a acción de Urxencias Sanitarias de Galicia-061, da Garda Civil de Tráfico, dos Bombeiros de Vilalba e dos servizos de mantemento da estrada. Os bombeiros confirmaron que non tiveron que excarcerar, pois a persoa estaba xa fóra do vehículo cando chegaron ao punto. Así, colaboraron na limpeza da vía cos servizos de mantemento da estrada.
Ademais da intervención arqueolóxica de 2026, o Concello achega 7.500 euros para restaurar a cabaña C-2, lembrando que “Seguimos apostando por el patrimonio arqueológico y el desarrollo arqueológico del concejo”. Tamén se mellorou o acceso ao xacemento, e o castro consolídase como un recurso turístico en crecemento, clave para avanzar na desestacionalización.
