Os lucenses maiores de 50 anos xa poden solicitar prazas subvencionadas nos balnearios da provincia
– A Deputación abriu o prazo para que os interesados poidan beneficiarse de descontos de 43 euros en paquetes de prestacións dos balnearios de Pantón, Guitiriz, Palas de Rei e Lugo dende xuño a decembro
– Os interesados nunha das 1.400 prazas dispoñibles poderán inscribirse por Internet, a través da web www.deputacionlugo.org, ou de xeito presencial no Rexistro do Pazo de San Marcos a partir do mércores 23 de maio
– O programa de termalismo Km0 Balnearios no Camiño é unha iniciativa que persegue potenciar a economía sostible na provincia ó tempo que promociona, grazas ó Camiño, o turismo desestacionalizado
A Deputación abriu este mércores o prazo de inscrición para Km0 Balnearios no Camiño, o programa de termalismo que a institución provincial puxo en marcha por segundo ano consecutivo, tras o éxito acadado entre os máis de 1.000 usuarios que a tempada pasada accederon ás prazas dispoñibles nos catro balnearios lucenses. Grazas ó convenio asinado o pasado luns polo Presidente da Deputación, José Ramón Gómez Besteiro, e os representantes dos balnearios de Guitiriz, Pambre e Lugo, os beneficiarios deste programa poderán ter acceso ós tratamentos termais que ofrece a provincia, mellorando a súa calidade de vida ó tempo que potencia a dimensión económica da riqueza medioambiental da provincia, en particular das súas augas mineromedicinais.
Durante a presentación do programa de termalismo, Gómez Besteiro destacou que dende a institución provincial “pensamos no benestar e na saúde dos nosos veciños, pero tamén no impulso de iniciativas como o termalismo, que contribúe a reactivar a economía da provincia, propiciando factores de crecemento como a desestacionalización do turismo”, ofrecendo novas fórmulas para a modernización e mellora da calidade de vida do medio rural, creando e mantendo postos de traballo, o que favorece decisivamente á fixación de poboación no rural.
Descontos de 43 euros por persoa en 1.400 prazas
Km0 Balnearios no Camiño ofrece un total de 1.400 prazas nos balnearios lucenses dos Concellos de Lugo, Pantón, Palas de Rei e Guitiriz, das que se poderán aproveitar os lucenses maiores de 50 anos entre os meses de xuño e decembro. Os beneficiarios contarán con descontos de 43 euros por persoa entre o 1 de xuño e o 31 de decembro nos seguintes paquetes de prestacións:
6 días con 5 noites de estancia
5 pensións completas
Día de entrada (domingo): incluídos cea e aloxamento
Día de saída (venres): incluídos almorzo e comida
10 técnicas de balneario
1 recoñecemento médico á chegada
De luns a xoves: programa de animación sociocultural
As 1.400 prazas de Km0 Balnearios no Camiño distribúense do seguinte xeito: 240 prazas no Hotel Balneario&Golf Resort de Guitiriz, 230 prazas no Hotel Balneario Río Pambre, 760 en Oca Augas Santas Balnearios Golf&Resort e 170 no Hotel Balneario de Lugo Termas Romanas. Cada beneficiario poderá acudir cun acompañante, que poderá participar no programa aínda que non cumpra os requisitos de ter máis de 50 anos e estar empadronado na provincia.
O prazo para presentar as solicitudes de inscrición deu comezo o mércores 23 de maio, e os interesados en participar poderán formalizar as súas inscricións a través de Internet, visitando a páxina www.deputacionlugo.org ou ben de xeito presencial no Rexistro provincial, ubicado no Pazo de San Marcos.
O termalismo, sector en auxe
Este programa de termalismo ten entre os seus obxectivos a potenciación dos recursos naturais, en particular das augas mineromedicinais. O sector do termalismo atrae cada ano a máis usuarios interesados nos beneficios que, para a saúde e o benestar, ofrecen os centros termais. Segundo os datos manexados polo “Observatorio Nacional del Termalismo y Desarrollo Rural”, a comunidade galega é a primeira potencia española en oferta termal, por número de centros e pola calidade dos mesmos. O chamado turismo de saúde ten un importante peso específico dentro do sector, representando preto do 11% do PIB da comunidade.
A provincia de Lugo conta con catro balnearios que destacan polo interese medicinal das súas augas e pola calidade das súas instalacións hoteleiras, os cales acollen, de media, a 120.000 persoas ó ano. Ademais, o feito de que estes balnearios estean na zona de influencia dos Camiños Xacobeos Primitivo, Francés e de Inverno ó seu paso por Lugo, favorece a posibilidade de dar a coñecer a riqueza e recursos naturais, culturais e paisaxísticos da provincia. A afluencia de usuarios destes centros termais favorece á hostalería e a outros sectores estratéxicos para o tecido socioeconómico de Lugo, como o comercio, a artesanía, ou a actividade agroalimentaria, pois os visitantes comen en restaurantes da zona, consumen produtos autóctonos e visitan os museos e o patrimonio paisaxístico, cultural e arqueolóxico dos Concellos nos que atopan estes centros e, por extensión, os do resto da provincia.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
