O EQUIPO REDACTOR DO PXOM ESTIMA QUE UN NÚMERO CONSIDERABLE DAS ALEGACIÓNS PRESENTADAS AO DOCUMENTO PODERÍAN SERVIR PARA MELLORALO. HOXE REMATOU O PERÍODO DE EXPOSICIÓN PÚBLICA E FORON 311 AS PLANTEXADAS.
Burela, 8 de maio de 2012. Trescentas once foron as alegacións presentadas ao Plan Xeral de Ordenación Municipal de Burela nos dous meses que estivo a exposición pública. Ese período rematou hoxe e agora o documento segue a súa tramitación, segundo ven de sinalar o alcalde, José Mª González Barcia.
O rexedor indicou que “esperábamos máis alegacións, non polo plan en sí mesmo, senón polo volumen de poboación de Burela e pola complexidade do termo municipal”. E engadiu que “o equipo redactor, nun primeiro vistazo, estima que un número considerable de ditas alegacións poderían servir para mellorar o documento, e eso era un dos obxectivos que pretendían”.
O Plan Xeral de Ordenación Municipal segue agora a súa tramitación, “hai que contestar todas as alegacións, a pesares dalgún comentario suspicaz, e serán tidas en conta aquelas que axuden a mellorar o plan ou que subsasen erros que poden aparecer no documento. Ademáis seguimos á espera de recibir os informes máis importantes, que son os que teñen que emitir administracións coma Fomento ou Portos de Galicia. Un dos últimos recibidos é o de FEVE, e salvo dous ou tres pequenos matices é favorable ao PXOM”, dixo González Barcia.
Xunta seguridade
O Concello foi escenario esta mañá dunha reunión da xunta local de seguridade, que presidiron o subdelegado do Goberno en Lugo, Ramón Carballo, e o alcalde burelés. No encontro falóuse de intensificar a colaboración dos efectivos de seguridade cidadá. González Barcia manifestou que “as relacións entre a Policía Local e a Garda Civil son fluidas e boas, proba delo é que de vez en cando celebran xuntanzas de coordinación en épocas especiais como poden ser o nadal, as festas, etc…”
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
