O “Acrobata” emprende o voo e leva a
Ugia Pedreira e Fred Martins a Inglaterra
Ugia Pedreira e Fred Martins viaxarán a Londres e Oxford para presentar alí o seu disco “Acrobata”. O mércores 9 ofrecerán un concerto no Trangallán de Londres, onde tamén farán ao día seguinte un recital no Instituto Vicente Cañada Blanch.
O venres 11 a cita será en Oxford, en cuxa universidade o presentarán de mañá, para xa de tarde facelo na Libraría Albion Beatnik.
Londres e Oxford poderán desfrutar nesta semana desta conxunción artística entre estes dous grandes compositores que unen, de maneira natural a Música Popular Brasileira (MPG) coa Música Popular Galega (MPG), e poderán adquirir este traballo discográfico íntimo que une sensibilidade e forza a partes iguais.
E proximamente (nunha semana e media) trasladaranse a Bruxelas para deixar a pegada acrobatica nesta cidade donde hai organizadas muitas actividades e conversas arredor do seu disco. Unha viaxe donde a arte-producto de Acrobata diversificase nun interese real polo mundo sonoro e o pensamento de estos dous compositores. Pedagoxía, psicoloxía do canto, política, historia do samba ou da música galega. Fred Martins e Ugia Pedreira non só cantan e fan cancións senon que contextualizan a sua arte e entreganna en distintos formatos como farán en Bruxelas.
O seu videclipe de peto está realizado na Illa de Arousa, lugar donde compuxeron parte dos temas.
http://www.youtube.com/watch?v=abCdKlFaoq4&feature=player_embedded
Londres
9 de maio. 20h. Presentación do Acrobata no Trangallán:
http://www.trangallan.com/programme.html
10 de maio. 12h. Presentación do Acrobata no Instituto Cañada Blanch
Oxford
11 de maio. 12h Presentación do Acrobata na Universidade de Oxford
20h. Presentación do Acrobata na Libraría Albion Beatnik
+ info: www.folque.com/acrobata
Neste espazo radiofónico Félix Jorquera falou coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá. Por diante queda toda unha fin de semana chea de actividades arredor da faba de Lourenzá. Os organizadores animan a acudir a esta cita.
Os asistentes puideron coñecer de preto unha particular viaxe que parte de Ribadeo e percorre Galicia en 37 etapas bordeándoa e combinando ciclismo, patrimonio, cultura e paisaxe. Jorge Justo estivo acompañado polo alcalde de Ribadeo, Dani Vega, e por Pablo Mosquera, ex director do Hospital da Costa (agora Hospital Público da Mariña).
Unha peza de teatro físico e manipulación de obxectos para público infantil e familiar que aborda a meta máis soñada polo ser humano: voar sen ás. Venda de entradas: no teléfono 982560162, en horario, de 9 a 14,00 horas, ou no correo electrónico cultura@viveiro.gal ou na taquilla unha hora antes da función. A cita será ás 18h.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Neste curso a actividade estará dispoñible para as nosas pequenas Xoias e para alumnado externo, cunha sesión semanal, a cargo de Yasmin Toledo e Patrícia Sousa, do equipo de Segunda División. O alumnado poderá escoller o seu horario de adestramento entre os luns (16:00 h.-17:00 h., Vista Alegre) e os venres (19:30 h.-20:30 h., Monte Castelo). A actividade terá un custo de 6€/mes para o alumnado da escola laranxa e 24€/mes para o alumnado externo.
Un particular informou minutos despois das 11 horas deste xoves dun camión que transportaba formigón envorcado no quilómetro 68 da N-640, á altura da parroquia de Ramil (Castro de Rei). Segundo explicou o mesmo alertador, o condutor permanecía no interior da cabina e outros dous turismos estaban implicados no accidente. De inmediato, desde o Centro Integrado de Atención ás Emerxencias solicitouse a acción de Urxencias Sanitarias de Galicia-061, da Garda Civil de Tráfico, dos Bombeiros de Vilalba e dos servizos de mantemento da estrada. Os bombeiros confirmaron que non tiveron que excarcerar, pois a persoa estaba xa fóra do vehículo cando chegaron ao punto. Así, colaboraron na limpeza da vía cos servizos de mantemento da estrada.
Ademais da intervención arqueolóxica de 2026, o Concello achega 7.500 euros para restaurar a cabaña C-2, lembrando que “Seguimos apostando por el patrimonio arqueológico y el desarrollo arqueológico del concejo”. Tamén se mellorou o acceso ao xacemento, e o castro consolídase como un recurso turístico en crecemento, clave para avanzar na desestacionalización.
