300 veciños da provincia redescubrirán esta semana A Mariña, A Montaña e a Zona Sur grazas ó programa Km0
– Os participantes, procedentes de Foz, Castroverde, San Cibrao, Sarria, Muimenta e Castro de Rei, coñecerán o patrimonio medioambiental e cultural destas tres comarcas, ademais de dinamizar a súa actividade hostaleira
– O Presidente da Deputación recibiu este martes a 48 socios do Club Náutico focense e a 55 membros da Asociación de Xubilados de Castroverde, que gozaron de rutas por Belesar e Chantada, e por Mondoñedo, respectivamente
Un total de 300 veciños da provincia redescubrirán esta semana o patrimonio medioambiental e cultural das comarcas da Mariña, A Montaña e a Zona Sur grazas ó programa Km0 da Deputación de Lugo. Os participantes, procedentes de Foz, Castroverde, San Cibrao, Sarria, Muimenta e Castro de Rei, contribuirán así mesmo a dinamizar o sector hostaleiro das localidades que percorrerán, pois pararán a repoñer forzas en diversos establecementos e casas de turismo rural.
A programación arrancou este martes con dous grupos: 48 socios do Club Náutico focense, e 55 integrantes da Asociación de Xubilados de Castroverde. O Presidente da Deputación, José Ramón Gómez Besteiro, recibiu ós dous colectivos no Salón de Actos do Pazo de San Marcos. Seguidamente, os focenses visitaron Pozo de Ollo, e a presa e o pobo de Belesar, fixeron un tramo da ruta Pesqueiras e coñeceron a adega Vía Romana. A comida tivo lugar no restaurante chantadino Mogay. En canto ós veciños de Castroverde, coñeceron as instalacións do Centro de Artesanía e Deseño (CENTRAD) da Deputación e, xa en Mondoñedo, a Ponte do Pasatempo, a catedral, un obradoiro de zocas e o establecemento La Alianza. Comeron no restaurante mindoniense Montero.
Para mañá mércores están previstos dous itinerarios, un polo Courel, do que gozarán 48 integrantes da Asociación de Mujeres de San Ciprián, e outro por Ribadeo, que realizarán 48 membros da Asociación de Palilleiras de Sarria. O primeiro colectivo redescubrirá as insuas de Burneiros e Fervenza, os castros de Vilar e da Torre, a aldea de Seceda, e comerá na casa de turismo rural Ferreiro, de Seoane do Courel. Polo que respecta ó grupo de Sarria, percorrerá as praias das Catedrais e Os Castros, as cetáreas de Rinlo e o aeródromo de Vilaframil, mentres que a comida terá lugar no restaurante das Catedrais.
O xoves concluirá o programa desta semana con rutas por Monforte e Viveiro. Deste xeito, 48 membros da Asociación Aquilino Iglesias Alvariño de Muimenta, tras coñecer a olería de Bonxe, comerán no Parador de Turismo de Monforte e visitarán o Pazo de Tor e o museo do Ferrocarril. Por outra banda, 55 integrantes da Asociación de Pensionistas de Castro de Rei achegaranse ás instalacións da Fundación TIC para viaxar logo a Viveiro, onde comerán no restaurante Val do Naseiro e se achegarán á igrexa de Santa María, a Porta de Carlos V, o casco histórico, a praia de Covas e o monte de San Roque.
Como inscribirse
Todos os interesados en participar en Km0 poden inscribirse de xeito rápido e sinxelo chamando ó número de teléfono 982-26-00-74/75; ou entrando en www.deputacionlugo.org onde, dende a portada, deberán acceder ó espazo Km0, cubrir o formulario e envialo á km0@deputacionlugo.org A continuación, poderán efectuar o pago, que será de 8 euros para grupos de menos de 24 persoas e individuais, e de 5 euros para grupos de máis de 24 persoas. Quedan excluídos da modalidade de pago todos os colexios e institutos públicos. A institución facilita dúas modalidades de pago: persoalmente no servizo de Tesourería (Pazo de San Marcos) ou nas sucursais de NovaGalicia (co número de conta 20800152663110001425).
A reserva e pago das rutas tamén pode facerse a través da plataforma de comercio electrónico www.losproductosdelugo.com da Deputación, onde o usuario ten que pinchar, á esquerda do portal, no apartado Ocio, onde atopará un link cos itinerarios. Optando por esta alternativa, os participantes teñen un desconto do 10% no custe das actividades.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
