A CIG-Ensino da Mariña rexeita a liquidación do Programa Preescolar na Casa
Máis de 200 familias e 300 nenos e nenas se beneficiaban deste programa na Mariña
A CIG continuará coa loita polo mantemento do servizo e dos postos de traballo
Ante a situación xurdida polo anuncio do Administrador Concursal da Fundación Preescolar na Casa de liquidar este programa o próximo mes de xullo, a CIG-Ensino e os delegados e delegadas de persoal desa fundación teñen manifestan o seguinte:
1. Os culpábeis da situación son a Consellería de Traballo e Benestar, concretamente a súa Conselleira, e o Partido Popular que tomaron a decisión política de liquidar Preescolar na Casa e destinar os cartos que esta fundación percibía dende fai moitos anos a outras organizacións afíns ao PP, tales como a “Fundación Camilo José Cela”, as “Escravas de Cristo” ou “Rebaño de María”, entre outras.
2. Parécenos que foi unha temeridade por parte do Padroado de Preescolar na Casa, e unha neglixencia imperdoábel dos seus asesores, solicitar Concurso de Acredores sen ter previamente estudado as consecuencias que isto ía ter cara a solicitude de futuras subvencións para o curso 2012-2013, concretamente as dependentes do IRPF de Madrid. Hai que lembrar que a Fundación non ten neste momento ningunha débeda contraída que non poida pagar e existían outras fórmulas para conseguir evitar os riscos patrimoniais dos membros do Padroado, tales como por exemplo solicitar un “pre-concurso”. Tamén temos que manifestar que á representación das traballadoras e traballadores tan só se nos comunicou a intención de presentar este concurso de acredores, sen entrar en ningún momento a negociar ás súas condicións.
3. Temos que lamentar así mesmo a actitude do Administrador Concursal nomeado polo xulgado, o cal viña coa clara intención de liquidar o programa Preescolar na Casa no menor tempo posíbel e en ningún momento estivo receptivo ás propostas que dende as traballadoras e traballadores se lle facían, senón todo o contrario, pois non quixo entrar en algún tipo de negociacións reais.
Propostas da CIG-Ensino e das traballadoras e traballadores
O conxunto do persoal da Fundación así como a CIG-Ensino seguiremos a insistir na nosas propostas para saír desta situación e que basicamente son a solicitude dun ERE que lle dea continuidade ao programa ata polo menos o 31 de decembro deste ano. Esta proposta estaría xustificada nas seguintes cuestións:
a) Existen fondos dabondo para facer fronte aos custes desta suspensión, tanto polos propios recursos que a Fundación ten neste momento como polas subvención que xa ten concedidas doutros organismos como a Deputación de Lugo, o propio Concello de Lugo, Normalización Lingüística, etc.. Estes fondos permitirían chegar a final de ano sen que a Fundación tivera adquirida ningún tipo de débeda nese momento.
b) Este tempo permitiría esperar a resolución das subvencións que para o programa veñen de Madrid e que se coñecerán o próximo mes de novembro. Neste punto hai que lembrar que este ano estívose traballando exclusivamente con este financiamento que ascendeu a 550.000 €.
c) Tamén neses meses debateríase a ILP que está xa en trámite no Parlamento de Galicia e que, de aprobarse, permitiría que este programa seguise a funcionar. O BNG e PSOE manifestaron xa o seu apoio.
d) Tamén consideramos que se o programa segue “vivo” durante ese tempo, poderíamos seguir a traballar para conseguir a asignación económica necesaria por parte da Xunta de Galicia, se hai cambio de goberno, ven pola vía dos orzamentos para o 2013 ou mesmamente por un cambio político nese organismo. Hai que ter en conta o compromiso que teñen adquirido tanto o grupo de BNG como do PSOE para retomar o programa cando sexa posíbel.
e) En todo caso, a morte de preescolar neste momento representa unha medida radical que corta todas as posibilidades, non deixando marxe a seguir loitando pola continuidade do programa e polo mantemento dos postos de traballo.
En todo caso, tanto a CIG-Ensino como o persoal da Fundación seguiremos a loitar polo mantemento do servizo que viña prestando dende fai 35 anos Preescolar na Casa así como polo mantemento dos postos de traballo.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
