Cervo participa nun proxecto de I+D+i para a experimentación de prototipos de aeroxerador destinados á pequena industria
-As obras para a instalación das máquinas xa comezaron no polígono de Cuíña
-O proxecto permitirá ensaiar e validar uns aeroxeradores en fase experimental, previa á súa comercialización en 2013
Cervo, 15 de xuño de 2012-O polígono de Cuíña, no municipio de Cervo, é o lugar elixido pola empresa enerxética Norvento para a instalación de dous prototipos experimentais de aeroxeradores de 100 kw cada un. Un proxecto de I+D+i pioneiro que botou a andar nestes días co inicio das obras necesarias para a colocación dos xeradores eléctricos. Uns traballos que se desenvolverán en dúas fases ao longo deste ano. A instalación do primeiro aeroxerador está prevista para as primeiras semanas do mes de xullo.
Con esta iniciativa piloto, a compañía pretende ensaiar e validar os prototipos, deseñados e fabricados por Norvento, antes do seu lanzamento comercial en 2013. Unha actuación para a que conta coa colaboración do Concello de Cervo. De feito, a administración local e a empresa asinaran este ano un convenio a través do cal o Concello aluga os terreos nos que se realizará a instalación dos aeroxeradores, permitindo a execución do proxecto. Neste senso cabe destacar que se trata dunha área con poucas posibilidades de aproveitamento debido ao seu carácter escarpado, o que os fai idóneos para a instalación das máquinas. Pero ademais, no acordo establécese que o Concello percibirá unha parte da facturación acadada a través da enerxía xerada polas máquinas.
Os aeroxeradores que se ensaiarán en Cuíña foron ideados para aplicacións de autoconsumo, co obxectivo de mellorar a factura enerxética de consumidores eléctricos medios, como granxas e pequenas industrias.
“Dende o Concello de Cervo estamos moi satisfeitos de poder acoller e apoiar un proxecto de I+D+i vinculado ás enerxías renovables, dous piares fundamentais para o desenvolvemento das sociedades e o crecemento sostible”, explica o alcalde, Alfonso Villares. “A investigación, o desenvolvemento e a innovación son a chave para o progreso, mentres as enerxías limpas como a eólica permiten que as sociedades sigan avanzando respectando o medio ambiente” engade o mandatario cervense. Deste xeito, “agardamos que a colaboración entre o Concello e Norvento sexa produtiva e os prototipos en fase experimental rematen sendo aeroxeradores de utilidade para o tecido industrial” e así “contribuír a estender o aproveitamento da forza do vento en detrimento doutras enerxías non renovables” remata Villares
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
