Os alumnos dos cursos de natación infantil recibiron os diplomas no acto de clausura
-Nas actividades programadas na piscina participaron unhas 110 persoas, das cales 45 eran rapaces e rapazas de infantil
-O alumnado puido aprender a nadar, mellorar as súas destrezas na auga ou practicar outros deportes de auga como o aquagym
Cervo, 5 de xuño de 2012-A piscina olímpica cuberta de San Ciprián acolleu esta tarde o acto de clausura dos cursos de natación infantil impartidos entre os meses de outubro de 2011 e maio deste ano nas mesmas instalacións deportivas. En concreto foron 45 os rapaces e rapazas que asistiron a clases de natación e que puideron escoller entre as modalidades de iniciación ou perfeccionamento segundo os seus coñecementos previos neste deporte.
O alumnado de infantil foi polo tanto o protagonista da despedida desta temporada, que recolleu os diplomas da man do alcalde, Alfonso Villares e do edil de Deportes, José Ramón Soto. “Con este acto de clausura cos máis pequenos e a entrega de diplomas queremos que garden estes meses de aprendizaxe na piscina coma un bo recordo e lembren o satisfactorio que resulta practicar deportes como a natación, así como animalos a que continúen” asegura o edil.
En total foron 110 persoas, entre adultos e rapaces, as que aprenderon a nadar, melloraron a súa técnica ou practicaron outros deportes acuáticos neste curso. Nestes 8 meses ofrecéronse cursos de natación nos niveis de iniciación e perfeccionamento no caso de infantil, así como mantemento, preparación de probas (especialmente dirixida a opositores) e aquagym para os adultos. Todas as actividades estiveron impartidas por persoal cualificado coa titulación específica requirida para atender a distintos grupos de idade e ofrecer clases nas diferentes modalidades dentro da natación e a ximnasia acuática.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
