Torneo Interparroquila de Billarda
Finalizada a tempada regular da LNB, os abertos de verán espállanse por todo o territorio com’as charamuscas das fogueiras de San Xoan se espallan polo vento.
Iste ano como novidade e cordinado polas Conferencias do Salnés e maila do Centro, xa ten comezado o “I circuito de verán”. Trátase d’unha serie de abertos cara a consecución da “chaqueta de pana”. Título que acadará o palanador/a que mais puntos consiga nos ditos abertos que rematarán o 9 de setembro.
Suliñar tamén como novidade que a asociación “O Varal” ten sido convidada polos Centros IES Gamallo Fierros e CEIP Gregorio Sanz de Ribadeo, para participar nas actividades de peche de curso cunha mostra da billarda diante dos alumnos dos cursos mais avanzados e ca participación multitudinaria dos mesmos alumnos dirixidos en todo momento por dous expertos palanadores da LNB.
Entre tanto aberto de verán, unha data moi agardada é a do torneo interparroquial que se vai disputar o vindeiro sábado 30 de xuño. Un torneo por equipos que encadran a xogadores do mesmo lugar ainda que cada un deles compita habitualmente defendendo outros colores.
Os equipos estarán formados por CINCO PALANADORES/AS e teran que ir eliminándose ata que so quede un, que se fará dono do AÑO MOURO, o equipo que resulte en último lugar terá un premio de consolación consistente nunha “cullere de pau” como recordo.
O aberto xogarase no campo de futbol da area recreativa de A DEVESA, donde a partires das 11,30 h. darán comezo as eliminatorias. Contra as 14,00 h. faremos unha parada para xantar todos xuntos no Restaurante A Parrilla para posteriormente seguir co torneo ate o remate do mesmo.
Como fin de festa, Miguel Alonso e a sua Banda faran apresentación do seu disco “A noite dos Cans” no Rockuncho de Ribadeo.
Para poder facer con tempo a reserva do xantar, confeccionar cadros de eliminatorias etc. etc. márcase como data tope de inscripción de equipos o mércores 27 as 24,00 h. Podedes anotarvos polos conductos habituais de mail ou tlfno. Agardamos por vos.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
