EMISORA E ARQUEOLOXÏA
En estancia contigua á Biblioteca instalada no edificio de Socorros Mútuos, funcionou polos anos 60 a primeira emisora Radio Foz. O técnico constructor da mesma fora Leopoldo Carro , “do retratista”, persoeiro singular, inquedo elucubrador, de fértil fantasía, polifacético. Eran tempos tan miserentos que para abonar a modesta paga ó artífice da mesma fixérono, solidariamente, o Concello, a Confraría de Pescadores e a Irmandade de Labregos, algo que nos día de hoxe, polo que se ve e o que se escoita, sería impensable. Foi tamén él, por aquelas datas, o primeiro que realizou excavacións no castro de Fazouro, algo que a piques estivo de costar ó intrépido arqueólogo un serio trastorno sicolóxico: foi o caso que o home, por mais voltas que lle daba á cabeza, non podía entender cómo entre os achádegos da época romana (cerámicas diversas, rodas de muiño, moedas acuñadas do s.I, e outros) aparecese unha peza de moto Vespa…. Cando o seu estado era xa preocupante os amigos, compañeiros dos días de viño e rosas, confesaron que foran eles quen depositaran tan anacrónico obxeto entre os vetustos restos… e voltou entón para él o acougo e a serenidade…Hai mais de 50 anos emitía Radio Foz, dirixido por César Rodríguez (Cesarín) e a complicidade da catedrática Pepita Pedreira; Luis Cordeiro, á sazón mestre en Santa Cilla; Jonni, que facía Deportes; Lolita Beltrán (Loterías), locutora, iste cronista e algúns espontáneos. Dende o micrófono espallaba versos a histórica poetisa Olimpia Pérez. O ano 2009 celebrouse a efeméride dos 75 anos da radio en Galicia, da que foi acto principal a coidada exposición “Galicia pola radio” que a Fundación Caixa Galicia acolleo na súa sede de Santiago. Na ilustrativa e maxistral mostra estivo Foz a través da emisora singular, posible polo encontro entre as persoas, co diálogo, o espíritu solidario e colaborador que en boa medida aniñaba na sociedade e que os dirixentes sociais e políticos xeralmente estimulaban; daí que unha vez mais insistamos na bondade de non esquecer a historia, e ogallá sexamos quen de poñer en práctica as leccions positivas que nos da.
Suso Fernández
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
