As asociacións de Cervo satisfeitas co programa “Todos a Xogar” interesadas en repetir a experiencia o ano próximo.
Mais de 50 persoas de tódalas idades participaron nos programas promovidos pola Vicepresidencia Primeira da Deputación e a Fundación Balogal en Cervo.
A AA.VV de Vilaestrofe, As Espalladoras e a ANPA do colexio de Cervo levaron a ximnasia de mantemento e os obradoiros deportivos a maiores e nenos durante os últimos meses.
Cervo, 6 de xuño de 2011. Xoán Antón Estúa García, membro do gabinete do BNG na Deputación e concelleiro nacionalista en Cervo xunto co Responsábel Local da organización, Ramón Luís Bernardo Insua, comprobaron “in situ” o éxito das actividades deportivas e de ximnasia de mantemento promovidas pola Vicepresidencia Primeira da Deputación e a Fundación Balogal dentro do Programa “Todos a Xogar” que se desenvolveron durante os últimos meses en Cervo organizadas polas asociacións: AA.VV de Vilaestrofe, As Espalladoras e a ANPA do Ceip de Cervo nas que participaron mais de 50 persoas, tanto nenos e nenas como maiores. Os nacionalistas explicaron que estas tres asociacións forman parte das 39 entidades e varios centos de persoas da Mariña que participaron no programa que foi prorrogado no mes de marzo e está a piques de rematar.
As entidades de Cervo están dispostas a repetir a experiencia no próximo ano.
Na visita, Xoán Antón Estúa e Luís Bernardo Insua recibiron o interese da directiva da Asociación de Veciños de Vilaestrofe para solicitar o desenvolvemento destas actividades no próximo ano polos beneficios “sociais e deportivos que aporta” e que permitiron durante este curso a práctica de ximnasia de mantemento na súa propia parroquia con monitores dispostos pola Vicepresidencia Primeira da Deputación e a Fundación Balogal. No caso da AA.VV de Vilaestrofe desenvolvense as actividades dentro do programa “non te retires, volta a xogar” nas Antigas Escolas de Vilaestrofe e participaron asiduamente case vinte persoas adultas.
No caso de Cervo participaron outras dúas entidades, unha con actividades para persoas adultas e outra para nenos e nenas do Ceip de Cervo
A asociación As Espalladoras, ao igual que a AA.VV. Vilaestrofe, tamén organizou actividades dentro do programa “non te retires, volta a xogar” deseñada para as persoas maiores con exercizos enfocados a mellorar a súa calidade de vida, nesta actividade participaron unha media de 25 persoas adultas na mesma escola de Vilaestrofe. A ANPA do Ceip de Cervo permitiu a participación de nenos e nenas co programa “Obradoiro Deportivo” deseñado para a franxa de ensino primario e enfocada á actividade física con compoñentes lúdicos co fin de mellorar as capacidades físicas básicas nesta franxa de idade.
Para os nacionalistas o éxito do programa radica na súa transversalidade e no achegamento á parroquias e concellos menos poboados actividades que permiten tanto a relación social como a actividade física.
Xoán Antón Estúa afirmou que a Vicepresidencia Primeira da Deputación “acertou de cheo con este proxecto” no que participaron 135 entidades de toda a provincia, con 33 entidades participantes no programa “Eu tamén xogo no Breo” para persoas con algún tipo de discapacidade, 58 entidades no programa “non te retires, volta a xogar” deseñado para persoas maiores con actividades xerontolóxicas e ximnasia de baixa intensidade e por último 44 entidades no programa “obradoiro deportivo” , boa parte delas ANPAS e centros de ensino.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
