PARGA URXE MEDIDAS PARA REDUCIR AS LISTAS DE ESPERA CIRÚRXICA NO HOSPITAL DA COSTA
O deputado do BNG pide que non se pechen camas e quirófanos nos meses de verán porque agravará aínda máis os dados das esperas
Santiago de Compostela, 5 Xuño 2012.- O deputado do G.P do BNG Manuel Parga quer saber que medidas a curto prazo ten previsto adoptar o goberno da Xunta para reducir as listas de espera cirúrxica no Hospital da Costa, toda vez que están a acadar cifras alarmantes, con 1057 persoas agardando unha intervención e unha espera media que pasou de 66 días en Marzo de 2009 a 76,2 en Marzo de 2012.
Estas cifras, explica Parga, sitúan ao Hospital da Costa cun tempo de espera media superior á media galega, sendo os servizos que rexistran maior espera os de traumatoloxía (477 persoas) e oftalmoloxía (275).
O deputado nacionalista alerta de que a previsión coñecida a través dos medios estes días, de que se van pechar camas e quirófanos nos vindeiros meses de Xullo e Agosto, vai disparar aínda máis as listas de espera e evidenciar o recorte de recursos humanos e materiais que está a padecer o hospital, carencias que hai que sumar ás de espazo, infraestructuras e equipamentos.
Para Parga, a publicación dos últimos dados de espera estrutural na sanidade galega, aínda que maqueados, poñen de manifesto a incapacidade do goberno galego para dar unha resposta eficaz á demanda sanitaria.
“Este indicador –continúa- máis os continuos recortes que se están aplicando teñen unha incidencia directa na calidade da asistencia que reciben os habitantes da Mariña”.
O parlamentar considera que urxe, por tanto, unha rectificación por parte da Xunta, para mellorar a asistencia na comarca e garantir o acceso á mesma en condicións de igualdade.
Con este obxectivo rexistrou unha serie de iniciativas parlamentares para saber cantas camas e quirófanos ten previsto pechar o SERGAS no Hospital da Costa este verán, cantas derivacións de cirurxía, de urxencias urolóxicas e hemodiálise se realizaron a outros centros dende Xaneiro de 2011 á actualidade e por que motivos.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
