O Concello solicita á Deputación a roza e limpeza dos 49 quilómetros de vías da súa titularidade
-A administración local remitiulle un escrito á Deputación para pedirlle que tome as medidas oportunas para o mantemento das 10 estradas provinciais que hai no municipio
Cervo, 6 de xuño de 2012-O Concello de Cervo vén de remitirlle un escrito á Deputación de Lugo para pedirlle que acometa coa máxima urxencia posible a roza e limpeza dos máis de 49 quilómetros de estradas de titularidade provincial que hai no municipio co obxectivo de mellorar a seguridade dos condutores que circulan por ditas vías.
Dende o goberno municipal aseguran que esta situación estase convertendo en habitual, posto que se vén dando anos anteriores. Por iso, reclaman que a Deputación “cumpra coa obriga de manter en bo estado as vías provinciais, xa que ter estradas da súa titularidade implica responsabilidades coma esta que non poden eludir.
Unha ausencia na conservación das vías que pode levar consigo certos perigos segundo o executivo local xa que “nas beiras das estradas acumúlanse pólas e árbores cortados, e a maleza segue crecendo, o cal supón que os peóns non poden transitar con seguridade e que os condutores poden sufrir algún perigo se teñen que utilizar as beiravías”.
O grupo de goberno engade que varios veciños e veciñas lle trasladaron estas queixas ao Concello e manifestaron o seu malestar polo estado das estradas provinciais.
Dez son as vías da Deputación que existen no municipio cervense, que en total suman unha lonxitude de máis de 49 quilómetros. Trátase das seguintes estradas: De Riocobo ao porto de San Cipián; de Burela, por Vilaestrofe, ata Ferreira; de Riocobo, por Trasbar, ata Vilaestrofe; de Riocobo ás fábricas de Sargadelos; da N642, por Cervo e Sargadelos, á CP 1502; da N642 a Cuíña; da Venta a Lieiro; de Figueirido ao Paraño, en Sargadelos; de Pedrouzo a Castelo, no tramo ata a Senra e de San Ciprián, por A Marosa, ata Burela.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
