A Deputación cubriu nun mes o 50% das prazas do Km0 Balnearios do Camiño, co que impulsa a economía medioambiental
– Besteiro subliñou que estes bos resultados, dos que deu conta no balneario de Guitiriz, constatan que a riqueza termal e o patrimonio vinculado coas rutas xacobeas “son unha alternativa máis para reactivar a economía da provincia”
– O complexo que rexistrou máis solicitudes foi o Balneario Augas Santas de Pantón, seguido dos de Guitiriz, Lugo Termas Romanas e Río Pambre de Palas
– O Presidente, acompañado de Regina Polín, supervisou a mellora na condución de augas pluviais do núcleo de Becín e a rehabilitación do muíño da Ruxida, obras que financiou o organismo provincial, aforrando cartos ó Concello
O Presidente da Deputación, José Ramón Gómez Besteiro, acompañado da Deputada da Terra Chá, Regina Polín, deu conta este luns en Guitiriz da boa acollida que está tendo a segunda edición do programa Km0 Balnearios do Camiño, impulsado polo organismo lugués co fin de potenciar a economía medioambiental e o turismo no Camiño de Santiago aproveitando a riqueza termal da provincia. Deste xeito, Besteiro explicou no balneario guitiricense -un dos que participa no programa- que nun mes, dende a apertura do prazo de inscrición, cubríronse a metade das prazas dispoñibles. En concreto, das 1.400 prazas ofertadas para obter descontos nos establecementos termais, están reservadas xa 608.
O complexo que rexistrou máis solicitudes foi o Balneario Augas Santas de Pantón, cun total 278 prazas, é dicir, o 37% das dispoñibles neste establecemento; seguido do de Guitiriz, con 212 prazas (o 88% das ofertadas nestas instalacións). A demanda rexistrada para o Balneario Termas Romanas de Lugo foi de 100 prazas (o 59%), mentres que para o Balneario Río Pambre de Palas foi de 26 prazas (o 11%). O perfil maioritario dos inscritos é unha muller de entre 50 e 60 anos de idade, que viaxa acompañada do marido ou amigas.
Gómez Besteiro subliñou que os bos resultados do programa constatan que a riqueza termal e o patrimonio vinculado ás rutas xacobeas, sendo a provincia que máis quilómetros ten, con 800, son unha “alternativa sólida para reactivar a economía lucense e desestacionalizar o turismo”. Neste senso, o Presidente indicou que os balnearios atópanse nesta época de verán en tempada baixa, de xeito que a iniciativa da Deputación axúdalles a recuperar o nivel de visitantes. O programa, engadiu, “ofrece unha nova fórmula para modernizar e mellorar a calidade de vida do medio rural, crear e manter empregos e, en consecuencia, fixar poboación no rural”.
Ata o 31 de decembro
O Km0 Balnearios no Camiño está dirixido ós maiores de 50 anos, que poderán aproveitar descontos entre o 1 de xuño e o 31 de decembro nos seguintes paquetes:
– 6 días con 5 noites de estancia
– 5 pensións completas
– Día de entrada (domingo): incluídos cea e aloxamento
– Día de saída (venres): incluídos almorzo e comida
– 10 técnicas de balneario
– 1 recoñecemento médico á chegada
– De luns a xoves: programa de animación sociocultural
As 1.400 prazas ofrecidas no Km0 Balnearios no Camiño distribúense do seguinte xeito: 240 prazas no Hotel Balneario&Golf Resort de Guitiriz; 230 prazas no Hotel Balneario Río Pambre; 760 en Oca Augas Santas Balnearios Golf&Resort, e 170 no Hotel Balneario de Lugo Termas Romanas.
Ós beneficiarios deste programa, impulsado pola institución provincial en colaboración cos balnearios, ofréceselles un desconto de 43 euros por persoa e facilítaselles o acceso ós tratamentos termais que ofrece a provincia, co obxectivo de mellorar a súa calidade de vida ó tempo que potencia a dimensión económica medioambiental da provincia, en particular das súas augas mineromedicinais.
12.000 euros de aforro
Por outra banda, Besteiro e Polín supervisaron as melloras de servizos públicos que a institución luguesa executou nas parroquias de Becín e Ferreiras, achegando para elo 12.000 euros, que aforrou ás arcas municipais. En Becín, núcleo guitiricense duns 150 veciños, a Deputación modificou a condución de aguas pluviais, xa que o sistema anterior non evitaba que a auga chegase ata as vivendas, inundándoas. Mentres, en Ferreira, o organismo provincial acondicionou o muíño da Ruxida, ademais de mellorar o contorno onde se atopa afincado, potenciando o patrimonio cultural e a riqueza natural da zona para xerar riqueza mediante o ecoturismo.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
