O VICEPRESIDENTE DA DEPUTACIÓN CLAUSUROU A XORNADA SONS DE MULLERES
Antonio Veiga explicou que “esta iniciativa serve para atopar respostas á invisibilidade da muller no mundo da música ofrecendo modelos positivos femininos que estimulen a participación doutras mulleres neste eido”
Profesionais da talla de Mercedes Zavala, Ugia Pedreira, Idoia Kareaga, María Xosé Silvar “Sés”, Olga Nogueira, Branca Novoneyra, Irimia Cantareiras e Alesancia formaron parte deste proxecto
Ribadeo, 13 de xullo 2012. A Casa do Mar de Ribadeo acolleu, durante todo o día de hoxe, o programa Sons de Mulleres, respostas á invisibilidade da muller na música, unha actividade que nace froito da colaboración entre a asociación cultural Musiqueando, o Centro de Información ás Mulleres de Ribadeo, a Vicepresidencia Primeira da Deputación Provincial, a EMMeD (Escola Municipal de Música e Danza) de Ribadeo, o Concello de Ribadeo, a asociación Amadores da Música e o Observatorio da Mariña pola Igualdade.
O vicepresidente do ente provincial e responsábel das áreas de Benestar Social, Deporte, Igualdade e Mocidade, o nacionalista Antonio Veiga, que clausurou esta actividade, explicou que “esta iniciativa serve para atopar respostas á invisibilidade da muller no mundo da música e tender pontes de traballo para loitar por unha igualdade real e efectiva a través da oferta de modelos positivos femininos que estimulen a participación doutras mulleres na música e na danza, algo que dende a Vicepresidencia da Deputación de Lugo apoiamos e compartimos”.
Mercedes Zavala, Ugia Pedreira, Idoia Kareaga, María Xosé Silvar “Sés”, Irimia Cantareiras e Alesancia participaron nas diferentes actividades orais que se desenvolveron durante a mañá: un relatorio, unha táboa redonda e un coloquio nos que se analizou o papel da muller no eido da música tanto noutras épocas como na actualidade.
Durante a tarde desenvolvéronse dous obradoiros un sobre a música e outro sobre a danza tradicional galega, da man de Olga Nogueira e Branca Novoneyra, respectivamente; e rendeuse homenaxe ás “Meniñas de Saudade”, coa proxección do documental Saudade e retrato en si bemol, de María Acuña. Como colofón final celebrouse un concerto no que actuaron a Banda Municipal de Música, Alesancia, Irimia Cantareiras, María Xosé Silvar “Sés” e Ugia Pedreira.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
