O BNG DE FOZ QUERE RESPOSTAS SOBRE A SITUACIÓN DO ASILO
“Para Basanta, o PP non quixo nunca a Residencia para Foz”
“O BNG pide que o alcalde interveña e aclare as cousas”
Foz a 14 de xullo de 2012. – O BNG de Foz pide explicacións e respostas sobre a actual situación do Asilo de Foz e sobre o futuro desta institución, a única actualmente no concello que acolle a persoas da terceira idade e que funciona como residencia.
Xa desde abril o BNG advertira da posible marcha da ONG do Asilo
O BNG de Foz en abril deste ano, advertira sobre a posibilidade da marcha da ONG que xestiona o Asilo de Foz no mes de xullo. Diante das dúbidas feitas públicas polo BNG, o responsable de Edad Dorada-Mensajeros de la Paz, Antonio Rodríguez, recoñecera publicamente que a ONG no tiña previsto abandonar el asilo e incluso manifestou a súa sorpresa pola noticia. Nos mesmos termos se manifestaron a dirección do asilo e o alcalde de Foz.
O BNG preocupado pola calidade asistencial dos maiores
A pesares destas declaracións, ao BNG chegáronlle novas de que a empresa que xestiona o Asilo de Foz acaba de despedir a dúas traballadoras así como que non están admitindo no centro residencial a persoas que non sexan da localidade. O BNG, diante destes feitos, está preocupado pola posible diminución da calidade asistencial no asilo ao reducir o persoal e de que realmente exista a pretensión por parte de Mensajeros de la Paz de ir reducindo o servizo pouco a pouco ata o abandono definitivo do centro.
Por iso, o BNG solicita do Alcalde de Foz, na súa condición de representante do Concello no Padroado, que reúna a este, solicite información e aclare publicamente a certeza destes supostos. “En calquera caso, agora máis que nunca é necesario saber cal é realmente a situación do Asilo e prestarlle a axuda provisional necesaria para manter o servizo mentres non se constrúe a nova Residencia. O pouco que temos non podemos perdelo”, afirmou Xan Carlos González Basanta, portavoz municipal do BNG.
O BNG reclama que se licite xa a nova Residencia e o Centro de Día prometido
Para o BNG a solución definitiva a esta situación está na construción da nova Residencia e do Centro de Día comprometido polo PP. “O que está claro é que na axenda do PP non estivo nunca a Residencia de Foz pois en catro anos de lexislatura non foi capaz de poñer nin a primeira pedra” . Os terreos levan desde o ano 2009 cedidos á Xunta pero o PP foi adiando a situación, todo para non ter que dotar a Foz da Residencia que lle corresponde e necesita. Isto é un acto por parte do PP claramente de agravio comparativo con Foz pois o PP noutras localidades da Mariña de menos poboación e menos identidade que Foz si inaugurou tanto residencias como centros de día. “É vergonzoso que o PP xogue desta maneira cos nosos maiores e cun servizo público tan necesario para Foz mentres dedica 1,5 millóns de euros para rematar un asilo ilegal en Chandrexa de Queixa –de 600 habitantes- e que leva xa consumidos 1,3 millóns da Deputación de Ourense ou outros 1,4 millóns para unha residencia en Monterramo –de 900 habitantes-, inmerso tamén noutra trama xudicial. Por non mencionar o 1,6 millóns de euros que gastará en festas gastronómicas”, declarou Basanta. Neste sentido, o BNG levará a pleno unha moción –que xa levou o ano pasado- para que nos orzamentos da Xunta do ano 2013 apareza o inicio das obras do Centro Residencial de Día de Foz.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
A saída será ás 10:00 desde El Bao, con autobuses ás 9:00 desde Navia, e a chegada arredor das 16:30 seguida dunha festa na dársena. As inscricións estarán abertas do 31 de maio ao 12 de xuño na Casa do Deporte ou en liña por 7 €. O Concello anima a participar nesta cita que combina natureza, deporte e convivencia.
